Jabura 77
77
Yɛtɛ tabita koe tɔɔrɛ butɔ
1Asafu la beete do le ka, min be donden beeti bɔɔlanu la kuntige bolo. Beete le mu min be bɔɔla iko Yedutun na beete.
2N kulɛ be yɛlɛla Ala le ma,
N be n kulɛ labɔɔla Ala le ma;
a si a tolomasɔ n na.
3N nɛɛ be bɛlɛya tɔ wagate min tɔ, n be n Marige le mataranna.
N be n bole lafontila le sue tɔ, wo te n yaamɛ;
n te sɔn mɔgɛnu ni kuma fɔ n ɲɛ min si n juse sa.
4N tini Ala la ko talɔn n ni kutun.
N tini n mira, n hakkile ni laganfun.
Beeti bɔɔlá la suleŋɛ donden.
5I bele kinnɔgɔsɔgɛ saren n ma.
N bata mafu han n te nɔ kumala.
6N be n mirala lɔgɔ tanbireŋɛnu le ma,
saŋɛnu minnu bata tanbi kabɔɔ wagati yanfama.
7Fɔlɛ tɔ nun, n tota beete bɔɔla le;
kɔtɛ n be n hakkile latagala wolo ma sue tɔ,
n ni n mira n juse tɔ,
n hakkile be jaabire ɲinila,
8n ni a fɔ: «Marige si mɔgɛ aɲɛ le ba kudai?
A mɛn te a jigan de ba?
9A la fonisireya banta le ba kudai?
A bata bɔɔ a la kuma kɔma ba dɔndɛ la?
10Ala be ɲinaren de fonisireya la ba?
A la dumɛ butɔ, a bata kinikinɛ ma koe boloka ba?»
Beeti bɔɔlá la suleŋɛ donden.
11N be a fɔla: «Min be n tɔɔrɔren,
Ala min mayɛlɛta, a bele a sɛnbɛ yitala bitugun iko a dari koe.»
12N si Alatala la walenu talɔn de.
Iyon, n ni i la kabanakoenu matɛngɛ i ka minnu ma bɔɔla hau.
13N si n hakkile lataga le i la ko mareŋɛnu bɛ ma,
n ni n mira i la wali banbanu ma.
14Ee Ala, i la kila saniyanta!
Batufen miniman de kolo iko ile Ala?
15Ile Ala le be kabanakoe mala.
I ka a ma seenu bɛ ka i sɛnbɛ lɔn.
16I ka i la jama kunka i sɛnbɛ la,
Yaguba nun Yusufu mamareŋɛnu.
Beeti bɔɔlá la suleŋɛ donden.
17Ee Ala, jenu bata i yen!
Jenu to bata i yen, anu tabata kilaŋɛ la;
kan luggɛreŋɛnu sɛrɛnta.
18Luuture ka ji banba bɔn,
sange be digidigila banta dibireŋɛ tɔ.
Balamantaŋɛ la, i la ndakanu be filila sɔngɛ bɛ la.
19I la sangi bula be warawarala,
sangi malakumalakue be banta lakɛnɛla,
han dunuya ni lamaga, a ni sɛrɛn.
20I la kila be ba tɔ le,
i tanbi dula be ji banba tɔ le,
i gbaa te yen muku.
21I ka i la jama latagaman iko kolofen wɔɔrɛ,
Musa nun Harona sabu la.
Currently Selected:
Jabura 77: MOG
Highlight
Share
Compare
Copy
Want to have your highlights saved across all your devices? Sign up or sign in
