Jabura 76
76
Kunnawuli mansa Ala
1Asafu la beete do le ka, min be donden beeti bɔɔlanu la kuntige bolo. Beete le mu min be bɔɔla anun kɔra la.
2Ala be lɔnden Juda,
a tɔgɛ kolo Isirayila.
3A la tanta be Salɛmu saa tɔ,
a sabati dula be Siyɔn kɔnkɛ kunma ɲɔ.#76:3 Salɛmu mu Darisalamu tɔgɔ lawutuyareŋɛ le la. Darisalamu be sabatiren kɔnkɛ min kunma, wo kɔnkɛ tɔgɔ le Siyɔn.
4A be kɛlɛ mafeŋɛnu tiɲala ɲɔ le:
ndaka, nɛgɛ lefa anun faŋɛ.
Beeti bɔɔlá la suleŋɛ donden.
5Ee Ala, i to bɔɔta kɔnkɛnu tɔ, i ka i jaguenu nɔ ka min na,
i la nɔɔra nun i sɛnbɛ kolo han!
6Jaguenu la koroba jusu tigenu bolofeŋɛnu bɛ bata jigan kɛlɛ tɔnɛ la,
anu bata sa anu la kinnɔgɔ tɔɛ la;
sɛnbɛ bele kɛ ɲalamanu la bitugun anu ni anu fan natanga.
7Yaguba la Ala, i to wulita anu digii ma,
soo laborilanu nun anu la soeenu bɛ ketunta.
8Ile le makilanta.
Ka i dumɛnta, ɲɔmɔ le si suusɛ sɔla i ɲatɔ?
9-10Bɔɔla saŋɛ tɔ i ka mɔ lalɔn i la kiite la.
Ala to wulita a ni kiite sa,
a ni mɔgɔ majigireŋɛnu lakisi kɛ duge tɔ,
wo wagate dunuya bɛ ka a lakara kilaŋɛ butɔ.
Beeti bɔɔlá la suleŋɛ donden.
11Hali mɔgɛnu mɔnɛta i ma, a be labanna tantue le la i ye.
Dumɛ min tɔɛ tota, i be i yɛtɛ tɛ takitila wolo la.
12Minnu bɛ be a fɛfɛnu tɔ,
wo ni lahire jigan Alatala ye, wo la Ala,
wo mɛn ni anu lakamali.
Wo ni fondonu dii Ala ma, Ala min makilanta.
13Ale Ala le be kuntigenu la foofe kuntula anu ma,
a makilanta kɛ dunuya mansanu ye.
Currently Selected:
Jabura 76: MOG
Highlight
Share
Compare
Copy
Want to have your highlights saved across all your devices? Sign up or sign in
