Jabura 75
75
Ala kiiti sa mansa
1Asafu la beete do le ka, min be donden beeti bɔɔlanu la kuntige bolo. Beete le mu min be bɔɔla iko beete min tɔgɔ: «I kana halage ma.»
2Ee Ala, mɔ be ile le tantula, iyon mɔ be i tantula.
I tɔgɛ sutu mɔ la, mɔ be ile le tantula.
Mɔ be i la kabanakoenu masifɛla.
3Ala la kuma le ka, a ko:
«N na wagati masubɛreŋɛ tini ke,
nde le be kiite sala teleŋɛ la.
4Hali duge sɛrɛnta ale nun a butɔ feŋɛ bɛ,
nde le be a tuganu mabanbanden.
Beeti bɔɔlá la suleŋɛ donden.
5N ko fan nakoloyalanu ma: ‹Wo kana wo fan nakoloya.›
Anun mɔgɔ koroŋɛnu: ‹Wo kana wo kuŋɛ mayɛlɛ.›
6Wo kana wo kuŋɛ mayɛlɛ koola saŋɛ mafanna,
wo kana kuma wo be wo gabakunkuŋɛ tajiganna.»
7Kunnawule bele bɔɔla tele yɛlɛ, a bele bɔɔla tele jige,
sɔkkɔ fɛrɛ a ni bɔɔ janfue tɔ.
8Bayi Ala le be kiite sala,
a ni do majigi, a ni do mayɛlɛ.
9Pɔɔte do be Alatala bole tɔ,
a be faren beere kunama kanpareŋɛ la,
min mu a la dumɛ tɔnkuma la.
A be wo beere do susula mɔgɛnu ma anu ɲagankata koe la.
Mɔgɔ koroŋɛnu minnu bɛ be duge kunma,
wonu bɛ ni a min, hali a butubute, a ni bala ken.
10Kɔnɔ nde kan si Ala la ko fɔ le kudai.
N si beete bɔɔ le Yaguba la Ala matɔgɔ koe la.
11Ala la kuma le ka:
«N si mɔgɔ koroŋɛnu bɛ sɛnbɛ tiɲa le,
n si kunnawule dii le telenbaganu ma.»
Currently Selected:
Jabura 75: MOG
Highlight
Share
Compare
Copy
Want to have your highlights saved across all your devices? Sign up or sign in
