Jabura 74
74
Ala la hɔrɔma dingira tiɲareŋɛ la ko mamataraŋɛ
1Asafu la mɔgɔ lakaran beete do le ka.
Ee Ala, fenna i be malafile mala dɔndɛ la?
I be dumɛnna a banba la fenna
i la wɔɔrɛ tɔ kolofeŋɛnu ma?
2I hakkile lataga i la jama ma,
i ka min kunka, i ka a sɔtɔ kabɔɔ bima,
i ka bɔnsɛ min jigan nun, a ni ma i tɛŋɛ la kudai.
I hakkile lataga Siyɔn kɔnkɛ ma,
i be ka min maren i sabati dula la.
3Kɛ saa min be mamɔdɛren bɔɔla hau, na i kɛnbaa ni to a tɔ.
Jaguenu bata koe bɛ kunnatiɲa i la hɔrɔma dingira butɔ.
4I be mɔ labɛnna dingira min tɔ,
i jaguenu be sɛɛwa sɔnkɛ layɛlɛla ɲɔ le butɔ.
Anu bata anu la kunnawule tɔnkumanu layɛlɛ ɲɔ.
5Anu tota le iko minnu be tɛgɛraŋɛ tajiganna
wonde bɛ tɛgɛ koe la.
6Feŋɛ min bɛ be boŋɛ maɲararen nun, anu bata a bɛ tiɲa
tɛgɛraŋɛ nun jɔnjɔnnanu la.
7Anu bata ta sa i la hɔrɔma dingira tɔ,
i tɔgɛ be sabatiren ka min na, han anu ka a laboe, saniyan boŋɛ bata laharamu.
8Anu be a fɔla anu juse tɔ: «Wo mɔ anu bɛ sɔntɔ!»
Mɔgɛnu be bɛnna Ala batu koe la kan do kan duge tɔ, anu bata ta don wonu bɛ la.
9Mɔ bele tɔnkumanu yenna bitugun;
nabiyonmɛnu bata ban,
mɔgɔ yo ma a lɔn mɔ tɛma kɛ koe be mɛla han muntuma.
10Ee Ala, jaguenu be i mayo koe danna wagati miniman?
I jaguenu be i tɔgɛ mabɔsila le ba kudai?
11I be i bole ɲinma bole ladonden fenna?
I bole lafonti i ni anu halagi!
12Ala le mu n na mansa la kabɔɔ fɔlɔ,
ile le be malakise mala dunuya bɛ tɔ.
13Ile le ka ba jenu fara i sɛnbɛ la,
fondo makilandeŋɛnu minnu be je tɔ, i ka wonu kuŋɛnu jɔnjɔn.
14Je tɔ subu makilandeŋɛ min tɔgɔ Lefiyatan, i ka wo kuŋɛnu mutukun,
i ka a dii wula butɔ subenu ma dɔmɛ la.
15Ile le ka tenge nun kɔɔ kuŋɛnu laka.
Ile le ka kɔɔ banbanu labala minnu te bala nun.
16Tele tɔ mu i tɛŋɛ le la, sue tugun mu i tɛŋɛ le la.
Ile le ka tele nun kare lasabati anu to dulanu tɔ.
17Ile le be duge naaniŋɛnu bɛ saren.
Ile le ka telema nun sama da.
18I mira ba! Jaguenu be ile Alatala mayola,
jama hakkili bɔnɛ be i tɔgɛ mabɔsila.
19I kana i la susu deŋɛ boloka silale bolo,
i kana ɲina i la misikinɛnu ma kudai.
20I hakkile to i la lahire ma i nun mɔle tɛma,
bayi nanbara be yenna duge dula dibireŋɛ bɛ tɔ.
21I kana a to tɔɔrɔbaga ni saagi a be maluren.
A to misikinɛ nun fondobɔnɛ ni nɔ i tantula.
22Ee Ala, wuli, i ni i fan kunma kɛlɛ ma.
I mira mamayoe ma
hakkili bɔnɛnu be min tabɛnna i ma lun go lun.
23I kana ɲina i jaguenu kulɛ la,
i kɛlɛɲɔgɛnu la kɛlɛ tɛgɛ sɔnkɛ min be layɛlɛla dan bele a la.
Currently Selected:
Jabura 74: MOG
Highlight
Share
Compare
Copy
Want to have your highlights saved across all your devices? Sign up or sign in
