Jabura 71
71
Kayiba la Ala mataraŋɛ
1Ee Alatala, n be tangare ɲinila ile le la.
I kana a ma n ni to maluya tɔ kudai.
2Ile be telenden. Wo butɔ, i ni n dɛman i ni n kunka;
i ni i tolomasɔ n na, i ni n nakisi.
3I ni ma n ɲɛ fata la, n kun taaku dula
n si nɔ tagala ka min na wagate bɛ.
I ka a hanige i ni n nakisi,
bayi ile le mu n na tuga nun n dogon dula la.
4N Marige Ala, i ni n nakisi ko koron malanu sɛnbɛ ma,
ka n bɔɔ telenbalenu nun nanbaratɔɛnu bolo.
5Marige Alatala, n ka yigi sa ile le ma.
N ka n na lannanteya sa i ma bɔɔla n denden wagate.
6N be n yɛtɛ taakuren i la bɔɔla n sɔtɔ luŋɛ.
I ka n kɔtɔ sɔ le bɔɔla n be n nɛɛnɛ bue tɔ.
N si i tantu wagate bɛ.
7N na dunuya tatɛgɛ be mɔgɔ siyama makaabɛren.
Ile le mu n kantalá sɛnbɛma la.
8N da ni fa i tantu koe la,
wagate bɛ n ni i la biliya lake.
9I kana n nafili kɔtɛ n na kayibaya wagate tɔ,
i kana n aɲɛ kɔtɛ n sɛnbɛ to be banna ka.
10N jaguenu be n makumala;
minnu be fɛrɛ ɲinila n nɛ bɔɔ koe la,
anu be gundo kumanu fɔla ɲɔgɔn tɛma.
11Anu ko: «Ala bata a aɲɛ.
Wo mɔ a jokki ka a bita; mɔgɔ yo te nɔ a bɔɔla mɔ bolo.»
12Ee, Ala i kana to yanfayaren n na.
N Marige Ala, na n dɛman teriya la!
13Minnu be n tɔɲɛgɛla,
Ala mu anu lamalula, ka anu ban feu.
Minnu be fɛrɛ ɲinila n tɔɔrɔ koe la,
Ala mu mamayoe nun maluya dusula anu kunma.
14Nde kan, n si n yili sɔ i ma wagate bɛ,
n si to i tantula ɲɔgɔn kunma.
15N si i la teleŋɛ nun i la kise la ko fɔ lun go lun,
bayi anu siyata han n te nɔ anu bɛ lɔnna.
16N si i la wali sɛnbɛmanu matɔgɔ.
N Marigi Alatala, n si naa i dɔrɔn de la teleŋɛ yita.
17Ee Ala, i ka n nakaran bɔɔla n denden wagate.
Han bi n be i la kabanakoenu lakela.
18Ee Ala, hali n kayibayata, n kunsigenu fugata,
i kana n aɲɛ,
alako i bole be min maren, n ni a fɔ bi mɔgɛnu ye,
n ni i sɛnbɛ ɲamakaran sinan mɔgɛnu tugun ye.
19Ee Ala, i la teleŋɛ be mayɛlɛren han saŋɛ tɔ,
bayi i bata ko banbanu ma.
Ee Ala, ile nun ɲɔmɔ le si kan?
20I bata ko bɛlɛŋɛnu nun tɔɔrɛ siyama yita mɔ la,
kɔnɔ i mɛn si tasaagi kise diila le mɔ ma.
I si mɔ layɛlɛ le gabure dibe tɔ.
21I ni n na kunnawule takafu,
i mɛn ni n majɛjɛ tugun.
22Wo butɔ, n Marige Ala, n si i tantu le kɔndiŋɛ tɔ
i la kuma dɔndɔ tigiya la ko la.
Ile Isirayila la Ala saniyandeŋɛ,
n si beete bɔɔ i ye n na kɔra tɔ.
23N tini be tolonna i ye, n si n ɲagalin kulɛ labɔɔ,
bayi i ka n nɛ lakisi.
24N si i la teleŋɛ la ko fɔ wagati bɛ,
bayi minnu be fɛrɛ ɲinila n tɔɔrɔ koe la,
i ka anu lamalu, i ka anu lajarabi.
Currently Selected:
Jabura 71: MOG
Highlight
Share
Compare
Copy
Want to have your highlights saved across all your devices? Sign up or sign in
