Jabura 70
70
Ala mataraŋɛ dɛmare la tɔɔrɛ butɔ
1Dauda la matalɔn beete do le ka, min be donden beeti bɔɔlanu la kuntige bolo.
2Yandi Ala, i ni n nakisi;
Alatala, na n dɛman teriya la.
3Minnu be fɛrɛ ɲinila n nɛ bɔɔ koe la,
wonu ni malu ka kɔntɔfili.
Anu be sɛɛwala n na tɔɔrɛ la,
awa anu ni malu anu ni saagi.
4A mɛn, anu be yola n ma anu be a fɔla n ma: «Pooro!»
Awa maluya ni anu lasaagi kɔma.
5Min bɛ be sɔren ile kɔma,
anu ni sɛɛwa ka ɲagalin i la ko la.
I la kise di minnu ye,
wonu si a fɔ wagate bɛ: «Tantue be Ala ye.»
6Fondobɔnɛ nun misikinɛ le mu n na.
Ee Ala, i ni na n ma teriya la.
Ile le mu n dɛmanná la anun n nakisilá.
Ee Alatala, i kana mɛ n dɛman koe la!
Currently Selected:
Jabura 70: MOG
Highlight
Share
Compare
Copy
Want to have your highlights saved across all your devices? Sign up or sign in
