Jabura 64
64
Ala mataran beete malatanga ma janfantenu ma
1Dauda la beete do le ka, min be donden beeti bɔɔlanu la kuntige bolo.
2Ee Ala, n be tɔɔrɛ tɔ;
i ni i tolomasɔ n diri kulɛ la.
I ni n makanta n jaguenu ma, minnu be n nakilanna.
3N dogon kɛ mɔgɔ koroŋɛnu la
minnu be madɛnna gundo tɔ
ka bɛn n tɔɔrɔ koe ma.
4Anu da di iko faŋɛ.
Anu be kuma dumɛndeŋɛnu tabɛnna, anu ni anu fili iko ndaka,
5ka mɔgɔ telendeŋɛnu bun dibe tɔ.
Anu be anu bunna le kisanna a bele anu kun makɔren.
6Anu be ɲɔgɔn butɔ tadonna ko koroŋɛ ma koe la;
anu be anu la julenu yɛlɛ ɲa ɲinila.
Anu be a fɔla: «Ɲɔmɔ si nɔ wonu yenna?»
7Anu be fɛrɛ koroŋɛnu ɲinila, anu ko:
«Iyɔɔ, mɔ la fɛrɛ bata sɔ a kɛn ma!»
Yaga, mɔgɛ juse nun a hakkile mu gundo le la!
8Kɔnɔ Ala si a la ndakanu fili anu ma;
anu si anu maba le kisanna anu ni boe.
9Anu yɛtɛ la kumanu ni ma anu la boere sabu la.
Min bɛ be anu yenna, wonu si yo anu ma.
10Wo tini ma, mɔgɛ bɛ si kilan,
anu si Ala la marenu ɲamakaran;
ka anu hakkile to a la wale ma.
11Telenbaganu bɛ si sɛɛwa le Alatala la,
anu ni tangare ɲini a la.
Mɔgɔ jusu ɲinma bɛ si wasu a la ko la.
Currently Selected:
Jabura 64: MOG
Highlight
Share
Compare
Copy
Want to have your highlights saved across all your devices? Sign up or sign in
