Jabura 62
62
Lannanteya sa koe Ala ma
1Dauda la beete do le ka, min be donden beeti bɔɔlanu la kuntige bolo. Beete le mu min be bɔɔla iko Yedutun na beete.
2Tɔɲa yati le, n be n nɛɛ taakuren Ala la n nakarareŋɛ le la.
N na kise be fatanden ale len na.
3Iyon, a dɔrɔn pɛti le mu n na fata nun n nakisilá la;
a mu n natangalá le la. Wo butɔ, n te lamaga feu.
4Wo be boela mɔgɛ ma han wagati miniman?
Wole bɛ labɛndeŋɛ, wo be katala mɔgɛ faga koe la
min bata to iko boŋɛ min bata di boela, ka wo ma sansan koroŋɛ.
5Wo be natá jiganden a laboe koe le dɔrɔn ma,
ka a bɔɔ a la dula ɲinma tɔ.
Foniya le be wo hɛnɛren.
Wo be dubanu mala wo da la,
kɔnɔ dankare be wo juse tɔ.
Beeti bɔɔlá la suleŋɛ donden.
6Tɔɲa yati le, n be n nɛɛ taakuren Ala la n nakarareŋɛ le la.
N be yigi sala ale le ma.
7Iyon, ale le mu n na fata nun n nakisilá la;
a mu n natangalá le la. Wo butɔ n te lamaga feu.
8N na kisi koe nun n na kunnawule be fatanna Ala le la.
A mu n natangalá sɛnbɛma le la, a mu n na fata le la.
9Ee jama, wo ni wo la lannanteya sa a ma wagati bɛ.
Wo ni wo jusu butɔ koe bɛ dantɛgɛ a ye,
bayi Ala le si nɔ wo mɔ latangala.
Beeti bɔɔlá la suleŋɛ donden.
10Adamadeŋɛnu kan mu fu le la;
mɔgɛnu la dunuya tatɛgɛ mu yigi tɛgɛ le la.
Ka anu yɛlɛta sikele kanna,
anu bɛ labɛndeŋɛ fɛɛta tanbi fɔɲɛ la.
11Wo kana wo la lannanteya sa nanbara ma koe ma;
wo kana wo yili sɔ fondo sɔtɔ koe ma kankaya sabu la.
Ka wo bolofeŋɛnu yiriwata,
wo kana yigi sa wonu ma.
12Ala kumata le, a ka a fɔ han kunɲama fila,
n ka a mɔɛ a ɲinma la,
a ko sɛnbɛtigiya mu ale le tɛŋɛ la.
13Nde tugun ko: Marige, fonisireya yati mu i tɛŋɛ le la.
Iyon, ile le be mɔgɛ bɛ sɔŋɛ diila a la wale la.
Currently Selected:
Jabura 62: MOG
Highlight
Share
Compare
Copy
Want to have your highlights saved across all your devices? Sign up or sign in
