Jabura 61
61
Mansa latanga koe Ala mataraŋɛ
1Dauda la beete do le ka, min be donden beeti bɔɔlanu la kuntige bolo. Beete le mu min be bɔɔla anun kɔra la.
2Ee Ala, n na mamadire lamɔɛ;
i ni i tolomasɔ n na mamataraŋɛ la.
3N sɛnbɛ bata ban, n be n kulɛ labɔɔla i ma bɔɔla dunuya daŋɛ tɔ.
N doni fata toireŋɛ kunma n te nɔ min yɛlɛla n fan na.
4Bayi i mu n kantalá le la.
I bata be maren dula sɛnbɛma le la n ɲɛ,
n si latanga n jaguenu ma ka min na.
5I ni a to n ni simaya i la hɔrɔma dingira tɔ kudai.
N be tangare ɲinila i la kantare le butɔ,
iko susu deŋɛ be tola a nɛɛnɛ gabataŋɛ kɔtɔ ki min na.
Beeti bɔɔlá la suleŋɛ donden.
6Ee n Marigi Ala, i bata n na hanige lamɔɛ;
i ka n tɛŋɛ dii n ma, iko i be a diila i ɲalakilannanu bɛ ma ki min na.
7I ni simaya yanfama dii mansa ma;
a ni mɛ kabɔɔ juruya han juruya.
8A ni mansaya ma i ɲakɔtɔ kudai.
I ni mɛnni a ma ka to i la fonisireya nun i la kuma dɔndɔ tigiya yitala a la.
9Wo butɔ, n te kori beete bɔɔ koe la i tɔgɔ sɛnbɛma tantu koe la,
lun go lun n si n na hanige lakamali le i ye.
Currently Selected:
Jabura 61: MOG
Highlight
Share
Compare
Copy
Want to have your highlights saved across all your devices? Sign up or sign in
