Jabura 58
58
Ala be ɲɔ min be dunuya makiitila
1Dauda la beeti sɛbɛreŋɛ do le ka, min be donden beeti bɔɔlanu la kuntige bolo. Beete le mu min be bɔɔla iko beete min tɔgɔ «I kana halage ma».
2Wole kayibanu, wo be kumala teleŋɛ tɔ ba?
Adamadeŋɛnu, wo be kiite sala tɔɲa la ba?
3Ade, wo be natá koroŋɛnu tabɛnna wo juse tɔ,
wo be gbaloe malansanna duge kunma.
4Ko koron malanu mu mɔgɔ murutɛreŋɛnu le la bɔɔla anu sɔtɔ wagate.
Foniya fɔlanu bata sama bɔɔla anu be bue tɔ wagate min tɔ.
5Anu da be faren mara la iko kaa,
anu be anu tolenu deseren iko tanbalunbe,
6min te a bitalá kulɛ mɔɛ;
hali a kololá nɔta kiyoki, a te a kulɛ mɔɛ.
7Ee Ala, i ni anu ɲiŋɛnu makati anu da tɔ.
Ee Alatala, i ni kɛ jatanu da gbengbe pagati.
8Anu ni muttɛ iko ji woyila;
anu tini ndaka fili, a kana taga sɛnbɛ la, a ni fo.
9Anu ni to iko janpata min linge bata bɔɔ a ma a be tagamaŋɛ tɔ wagate min tɔ.
Anu ni to iko deŋɛ min fagareŋɛ sɔtɔta, a ma tele yen.
10Ka anu ka tabare ma lɔgɛ ɲini, a mata a kutaŋɛ la, a mata a bala la,
fɔ fɔɲɔ banba ni a doni, a ɲan te nɔ ladonna daga kɔtɔ feu.
11Ala si anu tɛŋɛ yɔgɔ le, telenbaga tini wo yen, a si sɛɛwa le.
A si naa a kɛŋɛnu lako le ko koron malanu base la.
12Mɔgɛnu si a fɔ: «Sikkɛ bele a tɔ, Ala si telenbaganu sɔŋɛ dii le;
tɔɲa le, Ala be ɲɔ min be dunuya makiitila.»
Currently Selected:
Jabura 58: MOG
Highlight
Share
Compare
Copy
Want to have your highlights saved across all your devices? Sign up or sign in
