Jabura 55
55
Mɔgɛ la beete a kanunteŋɛ to ka a janfa
1Dauda la mɔgɔ lakaran beete do le ka, min be donden beeti bɔɔlanu la kuntige bolo. Beete le mu min be bɔɔla anun kɔra la.
2Ee Ala, n na mamataraŋɛ mɔɛ;
i kana i tole bɔɔ n na tarile kɔtɔ.
3-4I ni i tolomasɔ n na, i ni n jaabi.
N bata mafu
n jague kumari kulɛ nun
ko koron malanu la digiŋɛ la.
N be miligimalagala kɔntɔfile sabue la.
Anu be tɔɔrɛ sigila n kunma,
anu be kɛlɛɲɔgɔya telenna n na anu la dumɛŋɛ butɔ.
5N juse bata sɛrɛn;
faga kilaŋɛ giripɛta n ma.
6Mirimintiŋɛ nun sɛrɛŋɛ bata n bita koola;
kilaŋɛ bata dusu n kunma.
7Nde ka a fɔ le, n ko:
Ee, kɔnɔ ka gabataŋɛ be n ɲɛ nun iko gabue!
N si tun de nun n ni taga sulen dula ɲini.
8N si bori nun n ni taga kan yanfa,
n ni wula butɔ ma n to dula la.
Beeti bɔɔlá la suleŋɛ donden.
9N ni bori nun teriya la ka malatanga dula ɲini,
tunnadɛ fɔɲɔ banba ɲatɔ.
10Ee Marige, mɔgɔ koroŋɛnu ɲatadon.
I kana anu to ka bɛn kuma dɔndɔ ma,
bayi n be nanbara nun sɔnkɔsɔnkɛ tun de yenden saa tɔ.
11Sue nun tele anu be saa sɔngɛ bɛ matagamanna;
saa bata lafa ko koroŋɛ nun gbaloe la.
12Tiɲare be saa butɔ;
mamafue nun janfa te ban a la kilanu tɔ.
13Ka n jague le be n nanila nun,
n si a lamuɲu le nun a ye.
Ka n kɔnná le be a kɔnkɔnna n digii ma nun,
n si n yɛtɛ dogon de a la nun.
14Kɔnɔ ile le ka wo ma n na, n filaɲɔgɛ,
n kanunteŋɛ, n dadiyaɲɔgɛ.
15Mɔ mu gundoɲɔgɔ ma le la ɲɔgɔn tɛma,
mɔ darita tagala ɲɔgɔn na jama fɛ Ala batu dula.
16Saya ni n jaguenu bɛ latɛrɛnna.
Anu kende wagate min tɔ, anu ni jigi kisanna mɔgɔ fagareŋɛnu dula,
bayi ko koroŋɛ le be anu bata, anun anu juse tɔ.
17Kɔnɔ nde bata n kulɛ labɔɔ Ala ma,
Alatala si n nakisi le.
18Saguma nun tele tɔ, anun wura la,
n na mamade nun n na waniŋɛ si ke le a ma.
A be n kulɛ mɔɛla.
19Minnu be naren n digii ma, wonu siyata;
kɔnɔ Ala be n natangala le, ka n bɔɔ kɛlɛ tɔ hɛra tɔ.
20Yannun dunuya ni da, Ala min be majigiren nun a la mansa tintiŋɛ tɔ, han kɔtɛ a be ɲɔ;
ale si n kulɛ lamɔɛ le ka n jaguenu nɔ.
Beeti bɔɔlá la suleŋɛ donden.
Ee, kɛnu te tuubɛ muku,
anu bele kilanna Ala la!
21Wo kaye ka a bole lake mɔgɛnu ma a nun minnu be bɛnɲɔgɔya tɔ;
a ka a la lahire tiɲa.
22Kumanu minnu be bɔɔla a da tɔ,
wonu di koola,
kɔnɔ kɛlɛ be a juse tɔ.
A la kumanu namata iko bolike,
anu be tiɲare mala iko fan dadiyama min be labɔɔren kɛlɛ ma koe la.
23I ni i la kɔntɔfile don Alatala bolo,
a si i hajue jara.
A te sɔn telenbaga ni boe muku.
24Ile Ala, i si mɔgɔ fagalanu
nun janfantenu lafili le laakira,
kɛ minnu be gbaloe ɲinila tun.
Anu ɲan te anu la simaya tɛma le yati sɔtɔ.
Kɔnɔ nde be n na lannanteya donila ile le ma.
Currently Selected:
Jabura 55: MOG
Highlight
Share
Compare
Copy
Want to have your highlights saved across all your devices? Sign up or sign in
