Jabura 54
54
Yɛtɛ taaku koe Ala la anun dɛmare
1Dauda la mɔgɔ lakaran beete do le ka, min be donden beeti bɔɔlanu la kuntige bolo. Beete le mu min be bɔɔla anun kɔra la. 2Dauda ka kɛ beete sɛbɛ wagate min tɔ, wo ka a taran Sifu kaanu bata a fɔ Sayulu ye: «Dauda be dogonden mɔ la duge tɔ.» Wo butɔ, Dauda ko:
3Ee Ala i yɛtɛ yati ká na i ni n nakisi,
i ni n na kiite sa i sɛnbɛ la.
4Ee Ala, i ni n na mamataraŋɛ lamɔɛ n ɲɛ;
i ni i tolomasɔ n na kumanu la n be minnu fɔla ka.
5Bayi luntaŋɛnu bata wuli n na,
anu le nanbaratɔɛnu be fɛrɛnu ɲinila n faga koe la.
Anu bele anu mirala Ala ma.
Beeti bɔɔlá la suleŋɛ donden.
6Kɔnɔ Ala le mu n dɛmanná la;
Marige le mu n kɔtɔ sɔlá la.
7A ni n jaguenu la koronya sɔŋɛ lasaagi anu ma.
Ee Ala, i ni anu lasama, bayi i mu kuma dɔndɔ tige le la.
8Alatala, n si sarika bɔɔ i ye n hanige la.
N si i tantu le, bayi i kaɲin.
9I ka n nakisi n na ɲagankata bɛ ma;
n bata n jaguenu la bɔnɛ yen n ɲala.
Currently Selected:
Jabura 54: MOG
Highlight
Share
Compare
Copy
Want to have your highlights saved across all your devices? Sign up or sign in
