Jabura 53
53
Haramu malanu anun Ala la jama
1Dauda la mɔgɔ lakaran beete do le ka, min be donden beeti bɔɔlanu la kuntige bolo. Beete le mu min be bɔɔla anun serede la.
2Hakkili bɔnɛnu be a fɔla anu juse tɔ, aa Ala bele feu.
Anu tiɲaren de!
Anu be telenbaliya le mala, ko haramureŋɛ pɛti.
Anu hali dɔndɔ bele ko ɲinma mala.
3Ala bata a ɲa sɔ adamadeŋɛnu la kabɔɔ saŋɛ tɔ,
a ni a fɛlɛ ka hakkilima do be, min be Ala ɲinila.
4Kɔnɔ anu bɛ bata kila ɲinma boloka, anu bɛ bata sama.
Ko ɲinma malá yo bele,
hali mɔgɔ dɔndɔ, a bele.
5Yaga, hakkilima yo bele ko koron malanu tɛma?
Anu be n na jama ɲagankatala,
ka a la geenɛ dɔmɔ tun!
Wo butɔ, anu te Ala mataran.
6I ma a yen, kilaŋɛ banba be anu tɔ,
min ɲɔgɔn ma anu sɔtɔ betunna.
Bayi minnu be madɛnden i kɛlɛ koe la, Ala si anu kolenu lansan de.
Anu bata malu bayi Ala bata anu lafili.
7Ee, Isirayila la malakise ni na kabɔɔ Siyɔn kɔnkɛ tɔ!
Ala tini a la jama bɔɔ anu jaguenu bolo,
wo lun, Yaguba bɔnsɛ si sɛɛwa le.
Iyon, ale Isirayila jama si ɲagalin de.
Currently Selected:
Jabura 53: MOG
Highlight
Share
Compare
Copy
Want to have your highlights saved across all your devices? Sign up or sign in
