Jabura 30
30
Bandibaga la Ala matɔgɛ a la kendeya tanbi kɔma
1Dauda la beete do le ka, min bɔɔta hɔrɔma boŋɛ laka wagate.
2Ee Alatala, n si i la ko mayɛlɛ le, bayi i bata n sabaa gaburu dinka tɔ.
I ma sɔn n jaguenu ni sɛɛwa n kunma.
3Ee Alatala, n na Ala, n ka n kulɛ labɔɔ i ma;
i nata n nakendeya.
4Ee Alatala, i bata n bɔɔ saya da tɔ.
Donden n ni faga, i ka n nɛɛ talasaagi a la.
5Wole Alatala la lannante mɔgɛnu,
wo ni tantu beete bɔɔ a ye, wo ni a tɔgɔ saniyandeŋɛ matɔgɔ.
6Bayi a la dumɛŋɛ te mɛ,
kɔnɔ a la hinnɛnteya be simaya bɛ butɔ;
dire si ma sue tɔ,
kɔnɔ ɲagaliŋɛ tugun si na saguma.
7Nde kan, lun do n to be jususa butɔ nun, n ko
n te naa lamaga nun feu.
8Alatala, i la dɛmare la, i be n sɛnbɛ toren iko kɔnkɛ.
Kɔnɔ i nata i ɲakɔtɔ dogon n na; n mafuta kisanna.
9Wo butɔ, n ka n kulɛ labɔɔ ile Alatala le ma;
n ni ile n Marige madiya, n ni a fɔ:
10«Ka n najigita gabure tɔ,
i si tɔnɔ miniman sɔtɔ n base bɔɔ kɔma?
Ká, mɔgɛ min be duge kɔtɔ si nɔ i tantula ba?
A ni i la kuma dɔndɔ tigiya la ko fɔ ba?
11Ee Alatala, i ni i tolomasɔ n na, i ni kinikini n ma.
I ni na n dɛman.»
12I bata n na nimisa yɛlɛman ɲagaliŋɛ la.
I bata n na suunu kuta yɛlɛman ɲagalin kuta la.
13N Marigi Alatala, wolo mu n te n mɔdɛ.
N si tantu beete bɔɔ le i ye n juse bɛ la kudai.
Currently Selected:
Jabura 30: MOG
Highlight
Copy
Compare
Share
Want to have your highlights saved across all your devices? Sign up or sign in
