Jabura 29
29
Alatala kumari kulɛ
1Dauda la beete do le ka.
Ee wole maleka sɛnbɛmanu,
wo biliya dii Alatala ma;
wo Alatala biliya, wo ni a sɛnbɛ talɔn!
2Wo ni Alatala tɔgɔ biliyareŋɛ tantu;
wo ni sujudu Alatala ye, a la nɔɔrɔ saniyandeŋɛ butɔ.
3Alatala kumari kulɛ be jenu kunma;
ale biliya tige bata saŋɛ kulɛ labɔɔ.
Alatala be ji banbanu kunma.
4Alatala kumari kulɛ sɛnbɛ kolo;
Alatala kumari kulɛ mamirinta.
5Alatala kumari kulɛ be lɔgɔ kutu banbanu katila.
Iyon, Alatala be lɔgɔ kutu banbanu makatila minnu be Liban jamanɛ tɔ.
6A ni a ma Liban kɔnkɛnu ni tun, iko ningi deŋɛnu;
Siriyon kɔnkɛ tugun ni tun, iko sɛgɛ ningi deŋɛnu.
7Alatala kumari kulɛ be ta malaŋɛ malansanna.
8Alatala kumari kulɛ sɛnbɛma be wula lasɛrɛnna;
Alatala be Kadesi wula lasɛrɛnna.
9Alatala kumari kulɛ be minaŋɛ sɔla den sɔtɛ ma,
a be lɔgɔ kute boliŋɛnu bɔɔla a ma.
A la hɔrɔma dingira boŋɛ tɔ, bɛ be a fɔla
aa biliya be Alatala ye.
10Alatala be majigiren a la mansa tintiŋɛ tɔ banbaraŋɛ na wagate;
Alatala be majigiren a la mansa tintiŋɛ tɔ, a ni mansaya ma kudai.
11Alatala le be sɛnbɛ diila a la mɔgɛnu ma;
Alatala le be hɛra mala anu ye jususa butɔ.
Currently Selected:
Jabura 29: MOG
Highlight
Copy
Compare
Share
Want to have your highlights saved across all your devices? Sign up or sign in
