Jabura 142
142
Mɔgɔ lakɛtɛndeŋɛ la Ala mataraŋɛ
1Dauda la mɔgɔ lakaran beete do le ka. A la Ala mataraŋɛ le mu ka, a ka min bɔɔ a to be fanmɛ tɔ wagate min tɔ.
2N be belebelela Alatala la n kulɛ mayɛlɛreŋɛ le la,
n be Alatala madiyala n kulɛ mayɛlɛreŋɛ le la.
3N ni n da ladi a ma,
n ni n na kɔntɔfilenu dantɛgɛ a ye.
4Ka limaniya banta n bolo,
ile le ka n kɛn sɔ dula lɔn.
A bɛnta n ni tagaman kila min tɔ,
anu be jule yɛlɛren n ɲatɔ ɲɔ.
5N fɛfɛnu fɛlɛ ba, mɔgɔ yo bele hanmɛren n na ko la,
malatanga dula yo bele n bolo bitugun,
mɔgɔ yo bele kɔntɔfiliren n na ko la.
6Alatala, n be belebelela ile le la.
N ko: «N be dogon dula ɲinila ile le dula,
ile le be maren n mafanna la kɛ dunuya, mɔgɔ balureŋɛnu tɛma.»
7I tolomasɔ n na mamade la,
bayi n bata nagasi feu.
N bɔɔ n beelanu bolo,
bayi anu sɛnbɛ kolo n ko.
8N nabɔɔ geele tɔ,
alako n ni nɔ i tɔgɛ tantula.
Wo butɔ, telenbaganu si na n namilin de,
ka i be ko ɲinma mala n ɲɛ wagate min tɔ.
Currently Selected:
Jabura 142: MOG
Highlight
Share
Compare
Copy
Want to have your highlights saved across all your devices? Sign up or sign in
