Jabura 110
110
Alatala nun a la mansa masubɛreŋɛ la ko
1Dauda la beete do le ka.
Alatala la kuma le ka n Marige ye:
«Ile na sigi n bolo ɲinma tɔ,
han n ni i jaguenu bɛ ma i kɛnsɔfeŋɛ la.»
2Alatala si a bole lafonti, a ni Siyɔn mansaya taaku i la,
anun i ni nɔɛ sa i jaguenu kunma minnu be i la miliŋɛ tɔ!
3I la jama si to le i kɔma kɛlɛ ma luŋɛ tini ke,
i be i sɛnbɛ yitala lun min na saniyaŋɛ butɔ.
Ɲɔ lakɛnɛ fɛ, i be bɔɔla,
i be malanna le iko i kamaren wagate.
4Alatala bata a kali, a mɛn te nimisa a la feu:
«Sarika lakelá le mu i la wagate bɛ, iko Melikisedeki mɔɔle.»#110:4 Taureta Musa kitabu fɔlɛ fɛlɛ, sora 14 (Ko fɔlɔfɔlɛ 14).
5Marige Alatala be i bolo ɲinma tɔ,
a si naa mansanu tiɲa le a dumɛn luŋɛ.
6A be a la kiite latagamanna le jamanɛnu bɛ kunma;
a be anu lafaren furenu la.
A be dugu banba mansa la ko tiɲala le.
7A be kila tɔ wagate min tɔ, mansa ni kɔɔ tɔ je min.
Wo bɛ le be a mala, a ni kunnawule sɔtɔ.
Currently Selected:
Jabura 110: MOG
Highlight
Share
Compare
Copy
Want to have your highlights saved across all your devices? Sign up or sign in
