Jabura 111
111
Alatala la wali mamirindeŋɛnu
1Wo Alatala tantu!
N si Alatala tɔgɛ fɔ le n hanige bɛ labɛndeŋɛ la,
telenbaganu nun jama la mamadɛŋɛ tɔ.
2Alatala la walenu kolo;
minnu be sɛɛwaren anu la, wonu si a la walenu tefi le.
3A la walenu mamirinta, nɔɔra le be anu ma.
A la teleŋɛ be tola le abada.
4A ka a ma bɛ ni a hakkile lataga a la kabanakoenu ma.
Alatala hinnɛta, a mɛn kinikinita.
5A ka balue dii mɔgɛnu ma minnu be kilanden a la.
A be a hakkili toren a la lahire ma abada.
6A ka a la wale sɛnbɛ yita le a la jama la,
a ka bɔnsɛ donu kɛɛ don a la jama bolo.
7A la walenu mu tɔɲa le la, anu be maren sariya kɛɲa ma.
Lannanteya be a la ko lagirireŋɛnu bɛ tɔ,
8anu te tiɲa abada.
A be min bɛ mala, tɔɲa nun teleŋɛ le mu.
9A ka yɛtɛ lafuleŋɛ lasanba le a la jama ma.
A ka a la lahire mabanban de kudai.
A tɔgɛ mu saniyaŋɛ le la, anun miriŋɛ.
10Hakkilimaya, a fɔlɛ mu Alatala ɲalakilaŋɛ le la.
Minnu bɛ be a mala ɲɔgɔnna, wonu hakkile kaɲin.
A matɔgɔ koe te ban abada.
Currently Selected:
Jabura 111: MOG
Highlight
Share
Compare
Copy
Want to have your highlights saved across all your devices? Sign up or sign in
