Jabura 11
11
Teleŋɛ di Ala ye
1Dauda la beete do le ka, min be donden beeti bɔɔlanu la kuntige bolo.
N be tangare ɲinila Alatala le la.
Fen de wo be a fɔla n ɲɛ,
aa n ni bori iko kondeŋɛ min be tagala kɔnkɛ tɔ?
2Bayi ko koron malanu be ndaka bannɛla jule tɔ,
anu ni ndaka filifeŋɛ sabaa,
alako anu ni mɔgɛnu bun sue tɔ, minnu juse beta.
3Sariya to bele mɔgɛnu tɛma bitugun,
telenbaga kan si naa fen de ma?
4Alatala be a la hɔrɔma bon saniyandeŋɛ tɔ.
Alatala be majigiren a la mansa tintiŋɛ tɔ saŋɛ tɔ,
a be adamadeŋɛnu lasagala,
a be anu lakɔrɔsila.
5Alatala be telenbaganu nun telenbalenu mafɛlɛla.
Nanbara di minnu ye, wonu la ko ni sɛɛya a ye.
6A ni ta kenbue nun ta malaŋɛ nun soda laboe ko koron malanu ma;
fɔɲɔ bandi ni anu bintan, wo ni ma anu sɔŋɛ la.
7Bayi Alatala telenta, ko telendeŋɛ le di a ye.
Telenbaganu si naa a ɲakɔtɔ yen de.
Currently Selected:
Jabura 11: MOG
Highlight
Copy
Compare
Share
Want to have your highlights saved across all your devices? Sign up or sign in
