Jabura 10
10
1Ee Alatala, i be sɔla dula yanfama tɔ fenna?
I be i fan dogonna kɔntɔfili wagate fenna?
2Ko koron malá be sɔla fondobɔnɛnu kɔma wasumanteya la,
a si fondobɔnɛnu bita a la mira koroŋɛ sabu la.
3Ko koron malá be a fan nakoloyala a la natá tɔ,
a be dubala natá banbanu la ka yo Alatala ma.
4Ko koron malá be a fɔla a la fan nakoloya tɔ,
aa Ala te mɔgɔ ɲagankata.
Wagate bɛ a be a miraren, aa Ala bele feu.
5A la koenu be sɔnɔyaren wagate bɛ.
A bele kilanden ile Ala la kiite la.
A si yo a jaguenu bɛ ma.
6A be a mirala a juse tɔ, aa fenfen te a ma a ni boe,
aa a te naa to tɔɔrɛ tɔ abada.
7A da be faren dankare la, anun janfa nun kantabɛlɛya la.
A nɛŋɛ be tiɲare nun junubu koe tun de fɔla.
8A be sakkɛla dula dogondeŋɛnu tɔ saa kɔma.
A be mumunɛ fagala dula mayerendeŋɛ tɔ.
A ɲanu be banbanden mɔgɔ makinikinireŋɛnu ma.
9A be a yɛtɛ dogonna janfanteya butɔ iko jata, min be fanmɛ tɔ.
A ni sakkɛ fondobɔnɛnu ye,
alako a ni anu latɛrɛnna
a ni naa anu bita a la jule la.
10A be a maɲɛgɛntɛnna, a ni a majigi,
a ni fondobɔnɛnu bita a bolo sɛnbɛmanu la.
11A be a fɔla a juse tɔ, aa Ala bata ɲina,
aa Ala be a ɲa dogonna, a bele a yenna feu.
12Alatala, yandi i ni wuli. Ee Ala, i bole mayɛlɛ.
I kana ɲina tɔɔrɔbaganu ma.
13Fende ko koron malá be yola ile Ala la?
A be a fɔla a juse tɔ fenna, aa ile Ala te mɔgɛ halagi?
14Adun, i be tɔɔrɛ nun ɲagankata yenna yati!
I be i ɲa sɔla feŋɛ bɛ la i ni anu kanta.
Misikinɛ be yigi saren ile len ma,
ile le be mala aliyatimɛ dɛmanná la.
15I ni ko koron malá sɛnbɛ tiɲa,
i ni a ɲagankata a la ko koroŋɛ la ko la, a ni muttɛ dunuya.
16Alatala le mansa la kudai.
Ala lɔnbalenu be halagila anu ni bɔɔ a la jamanɛ tɔ.
17Alatala, tɔɔrɔbaganu yili be min ma, i ka a lɔn,
awa i ni anu juse lalimaniya, i ni i tolomasɔ anu la.
18I ni tɔɲa dii aliyatimɛ nun misikinɛnu ma,
alako mɔgɛ min be daren bangue la, a kana anu makilan bitugun.
Currently Selected:
Jabura 10: MOG
Highlight
Copy
Compare
Share
Want to have your highlights saved across all your devices? Sign up or sign in
