Jabura 108
108
Hakkili lakara
1Dauda la beete do le ka, beete min be bɔɔla kulɛ mayɛlɛreŋɛ la.
2Ee Ala, n hakkile bata lakara,
n si beete bɔɔ le, n ni i tantu n sondomɛ bɛ la!
3N na kɔndiŋɛ nun n na kɔra, wo ni wuli!
N be diren wulila yannun ɲɔ lakɛnɛ.
4Ee Alatala, n si i matɔgɔ le seenu tɛma,
n si i tantu beetenu bɔɔ le bɔnsɛnu tɛma.
5I la fonisireya mayɛlɛta saŋɛ ko,
i la lannanteya tugun be han luuture ma.
6Ee Ala, i ni i la kunnawule yita saŋɛ tɔ,
i la biliya ni yiriwa dunuya bɛ tɔ.
7I ni mɔ lakisi i sɛnbɛ la, i mɛn ni mɔ jaabi,
alako mɔle i kanunteŋɛnu, i ni mɔ lafulen.
8Ala bata kuma a la dula saniyandeŋɛ tɔ, a ko:
«N si kunnawuli sɔtɔ le wo jaguenu kunma.
Wo butɔ, n si Sisɛmu saa fatan de,
ka Sukoti gulunba suman, n ni naa a dii n na mɔgɛnu ma.
9Galadi duge mu n tɛŋɛ le la, Manasi n tɛŋɛ le.
Efirayimu duge mu n na nɛgɛ kufunɛ le la.
Juda mu n na mansa tungare le la.
10Mowaba duge bele maren fenfen na, fɔ n bolo ko miraŋɛ.
N tini n kɛŋɛ sɔ Edɔmi duge tɔ ki min na, a si ma n tɛŋɛ la.
N be kɔnkɔre sɔnkɛ layɛlɛla Filisiti kaanu le ma.»
11Ee Ala, ɲɔmɔ le si nɔ n nakela saa makantareŋɛ tɔ?
Ɲɔmɔ si nɔ n donila han Edɔmi?
12Fɔ ile Ala, min balanta mɔ ye.
I te mɔ la kɛlɛ malanu masɔ kɔtɛ ba?
13I ni mɔ dɛman mɔ jaguenu kɛlɛ koe la,
bayi adamadeŋɛ la dɛmare be maren fu le la.
14Ka Ala be mɔ fɛ, mɔ si kunnawule sɔtɔ le;
ale le si mɔ jaguenu mutukun.
Currently Selected:
Jabura 108: MOG
Highlight
Share
Compare
Copy
Want to have your highlights saved across all your devices? Sign up or sign in
