2 Tesaloniki 2
2
Koenu minnu be naala mala yannun Marige ni na
1N nɛɛnɛdɔndɛnu, wo to be koenu mɔɛla wo mɔ Marige Isa Ala la mɔgɔ masubɛreŋɛ na luŋɛ la ko tɔ, anun mɔ be naala madɛnna a dula ki min na, mɔ bata wo mataran, 2hali wo juse ma makasa. Ka mɔgɔ do ka a fɔ wo ye, aa Marige Isa na luŋɛ ɲan bata ke, wo hakkile kana ɲatadon de, hali wo tigi kumata wo ye iko nabiyonmɛ le mu a la, ka wo ma, a ni kawande ma wo ye, ka wo ma, a ni bataakɛ nati iko a be fatanden mɔle len na nun. 3Mɔgɔ yo kana wo madaku mɔɔli yo la, bayi wo luŋɛ te ke fɔ adamadeŋɛ siyama ni murutɛ Ala ma betunna. Anu be min ma, «Sariya Bɔnɔ Banba», fɔ wo tugun ni makɛnɛn betunna, Ala si naa min halagi feu. 4Mɔgɛnu be a fɔla min bɛ ma «Ala», ka wo ma anu ka min yo batu, a ni wonu kɛlɛ, a ni a fan mayɛlɛ wonu kunma han a ni sigi Ala la batu boŋɛ butɔ, a ni a yɛtɛ ma Ala la. 5Wo hakkili bele a ma ba, n to be wo dula wagate min tɔ, n ka kɛ koenu fɔ le wo ye? 6Adun, wo ka a lɔn fen min be kɛ Sariya Bɔnɔ Banba makankanden. A te makɛnɛn fɔ a tɛn wagate tini ke. 7Sariya bɔnɛ ɲan be walila gundo kɛɲa ma. A be tola ɲɔgɔnna le han min be a makankanden, wo ni bɔɔ ɲɔ tɛmuɛ min tɔ. 8Awa wo tini bɔɔ, Sariya Bɔnɔ Banba si makɛnɛn de. Marige Isa si tana, a ni a faga a da fɔɲɛ la; a be nala a la sɛnbɛ min fɛ, a ni a halagi wo la. 9Kɛ Sariya Bɔnɔ Banba be bɔɔla Sentanɛ sɛnbɛ le sabu la, a ni kabanakoe, tɔnkumanu, anun ko makilandeŋɛ mɔɔle bɛ ma minnu be mɔgɛnu latantanna. 10A si naa mɔgɔ samareŋɛnu majuguya le telenbaliya mɔɔle bɛ la, bayi tɔɲa min si anu lakisi nun, anu balanta wo ni diya anu ye, anu ma a bita. 11Wo butɔ, Ala si anu hakkile ɲatadon de koola, alako anu ni laa foniya la. 12A be a mala ɲɔgɔnna le alako minnu ma laa tɔɲa la, telenbaliya be diyaren minnu ye, anu bɛ la ko ni tiɲa.
Ala la kise sɔtɔ koe
13Awa mɔ nɛɛnɛdɔndɛnu, Marige be minnu kanuren, mɔ ɲan bɛnta Ala tantula wole la ko la tɛmuɛ bɛ tɔ, bayi Ala bata wo masubɛ kisi koe la bɔɔla fɔlɔ. A ka wo lakisi a Hakkili saniyandeŋɛ la wale le sabu la min be wo kɛrɛkɛrɛren wo ni ma a tɛŋɛ la. A ka wo lakisi wo la dɛnkɛnɛya le sabu la, wo to be laaren tɔɲa la. 14A be wo keleren wolo la kibaru ɲinma la mɔ ka min nake wo ma, alako wo mɔ Marige Isa, Ala la mɔgɔ masubɛreŋɛ ka kunnawule min sɔtɔ, mɔle tugun ni a sɔtɔ. 15Wo butɔ, n nɛɛnɛdɔndɛnu, wo kɛn sɔ dɛnkɛnɛya ma. Mɔ ka wo karan min na mɔ la kawande nun bataakɛ sabu la, wo ni to wo bitaren pen. 16Wo mɔ Marige Isa yati min mu Ala la mɔgɔ masubɛreŋɛ la, anun wo mɔ Baaba Ala, min bata wo mɔ kanu, min be hinnɛla wo mɔ la a ka yigi sɔdula ɲinma don wo mɔ bolo anun limaniya min te ban abada, 17anu ni wo jusenu lalimaniya, anu mɛn ni sɛnbɛ dii wo ma, wo la wale nun kuma bɛ ni ma a ɲinma la.
Currently Selected:
2 Tesaloniki 2: MOG
Highlight
Share
Copy
Want to have your highlights saved across all your devices? Sign up or sign in
