ਰੋਮ 10
10
1ਭਰਾਵੋ ਅਤੇ ਭੈਣੋ, ਮੈਂ ਇਹ ਦਿਲ ਤੋਂ ਚਾਹੁੰਦਾ ਹਾਂ ਅਤੇ ਪਰਮੇਸ਼ਰ ਦੇ ਅੱਗੇ ਪ੍ਰਾਰਥਨਾ ਕਰਦਾ ਹਾਂ ਕਿ ਇਸਰਾਏਲੀਆਂ ਨੂੰ ਮੁਕਤੀ ਮਿਲੇ । 2ਮੈਂ ਇਸ ਦੀ ਗਵਾਹੀ ਦੇ ਸਕਦਾ ਹਾਂ ਕਿ ਉਹ ਪਰਮੇਸ਼ਰ ਦੇ ਲਈ ਜੋਸ਼ੀਲੇ ਤਾਂ ਹਨ ਪਰ ਉਹਨਾਂ ਦਾ ਜੋਸ਼ ਬਿਨਾਂ ਸਮਝ ਦੇ ਹੈ । 3ਕਿਉਂਕਿ ਉਹਨਾਂ ਨੇ ਉਸ ਨੇਕੀ ਨੂੰ ਨਾ ਜਾਣਿਆ ਜਿਹੜੀ ਪਰਮੇਸ਼ਰ ਵੱਲੋਂ ਹੈ ਅਤੇ ਨਾ ਹੀ ਆਪਣੇ ਆਪ ਨੂੰ ਪਰਮੇਸ਼ਰ ਦੇ ਅਧੀਨ ਕੀਤਾ ਸਗੋਂ ਉਹਨਾਂ ਨੇ ਆਪਣਾ ਹੀ ਰਾਹ ਬਣਾਉਣ ਦੀ ਕੋਸ਼ਿਸ਼ ਕੀਤੀ । 4ਮਸੀਹ ਨੇ ਵਿਵਸਥਾ ਦਾ ਉਦੇਸ਼ ਪੂਰਾ ਕਰ ਦਿੱਤਾ ਕਿ ਜਿਹੜਾ ਕੋਈ ਵਿਸ਼ਵਾਸ ਕਰੇ ਉਹ ਪਰਮੇਸ਼ਰ ਦੇ ਸਾਹਮਣੇ ਨੇਕ ਠਹਿਰੇ ।
ਸਾਰਿਆਂ ਦੇ ਲਈ ਮੁਕਤੀ
5 #
ਲੇਵੀ 18:5
ਮੂਸਾ ਨੇ ਵਿਵਸਥਾ ਦੇ ਮੰਨਣ ਦੁਆਰਾ ਪਰਮੇਸ਼ਰ ਦੇ ਸਾਹਮਣੇ ਨੇਕ ਠਹਿਰਾਏ ਜਾਣ ਦੇ ਬਾਰੇ ਇਹ ਲਿਖਿਆ ਹੈ, “ਉਹ ਮਨੁੱਖ, ਜਿਹੜਾ ਵਿਵਸਥਾ ਪੂਰੀ ਕਰਦਾ ਹੈ, ਇਸੇ ਦੁਆਰਾ ਜੀਵਨ ਪ੍ਰਾਪਤ ਕਰੇਗਾ ।” 6#ਵਿਵ 30:12-14ਪਰ ਉਹ ਜਿਹੜਾ ਵਿਸ਼ਵਾਸ ਦੇ ਦੁਆਰਾ ਪਰਮੇਸ਼ਰ ਦੇ ਸਾਹਮਣੇ ਨੇਕ ਠਹਿਰਾਇਆ ਗਿਆ ਹੈ, ਉਸ ਦੇ ਬਾਰੇ ਇਸ ਤਰ੍ਹਾਂ ਕਿਹਾ ਗਿਆ ਹੈ, “ਆਪਣੇ ਦਿਲ ਵਿੱਚ ਇਸ ਤਰ੍ਹਾਂ ਨਾ ਕਹਿ ਕਿ ਸਵਰਗ ਵਿੱਚ ਉੱਪਰ ਕੌਣ ਜਾਵੇਗਾ,” (ਜਿਸ ਦਾ ਅਰਥ ਹੈ, ਮਸੀਹ ਨੂੰ ਹੇਠਾਂ ਲਿਆਉਣਾ) । 7ਜਾਂ “ਪਤਾਲ ਵਿੱਚ ਕੌਣ ਉਤਰੇਗਾ,” (ਜਿਸ ਦਾ ਅਰਥ ਹੈ ਮਸੀਹ ਨੂੰ ਮੁਰਦਿਆਂ ਵਿੱਚੋਂ ਵਾਪਸ ਲਿਆਉਣਾ) । 8ਵਿਵਸਥਾ ਦਾ ਇਹ ਕਹਿਣਾ ਹੈ, “ਪਰਮੇਸ਼ਰ ਦਾ ਸੰਦੇਸ਼ ਤੁਹਾਡੇ ਨੇੜੇ ਹੈ ।” ਉਹ ਤੁਹਾਡੇ ਮੂੰਹ ਅਤੇ ਦਿਲ ਵਿੱਚ ਹੈ ਭਾਵ ਉਹ ਵਿਸ਼ਵਾਸ ਵਾਲਾ ਸੰਦੇਸ਼ ਜਿਸ ਦਾ ਅਸੀਂ ਪ੍ਰਚਾਰ ਕਰਦੇ ਹਾਂ । 9ਜੇਕਰ ਤੁਸੀਂ ਆਪਣੇ ਮੂੰਹ ਨਾਲ ਕਹਿ ਕੇ ਮੰਨੋ ਕਿ “ਯਿਸੂ ਪ੍ਰਭੂ ਹਨ,” ਅਤੇ ਆਪਣੇ ਦਿਲ ਦੇ ਨਾਲ ਵਿਸ਼ਵਾਸ ਕਰੋ ਕਿ ਪਰਮੇਸ਼ਰ ਨੇ ਉਹਨਾਂ ਨੂੰ ਮੁਰਦਿਆਂ ਵਿੱਚੋਂ ਜਿਊਂਦਾ ਕੀਤਾ ਹੈ ਤਾਂ ਤੁਸੀਂ ਮੁਕਤੀ ਪਾਓਗੇ । 10ਕਿਉਂਕਿ ਦਿਲ ਦੇ ਨਾਲ ਵਿਸ਼ਵਾਸ ਕਰਨ ਦੁਆਰਾ ਅਸੀਂ ਪਰਮੇਸ਼ਰ ਦੇ ਸਾਹਮਣੇ ਨੇਕ ਠਹਿਰਦੇ ਹਾਂ ਅਤੇ ਮੂੰਹ ਨਾਲ ਇਕਰਾਰ ਕਰ ਕੇ ਮੁਕਤੀ ਪ੍ਰਾਪਤ ਕਰਦੇ ਹਾਂ । 11#ਯਸਾ 28:16ਇਸ ਬਾਰੇ ਪਵਿੱਤਰ-ਗ੍ਰੰਥ ਕਹਿੰਦਾ ਹੈ, “ਜਿਹੜਾ ਕੋਈ ਉਹਨਾਂ ਵਿੱਚ ਵਿਸ਼ਵਾਸ ਕਰੇਗਾ, ਸ਼ਰਮਿੰਦਾ ਨਹੀਂ ਹੋਵੇਗਾ ।” 12ਕਿਉਂਕਿ ਹੁਣ ਯਹੂਦੀਆਂ ਅਤੇ ਪਰਾਈਆਂ ਕੌਮਾਂ ਵਿੱਚ ਕੋਈ ਫ਼ਰਕ ਨਹੀਂ ਹੈ । ਪਰਮੇਸ਼ਰ ਸਾਰਿਆਂ ਦੇ ਪ੍ਰਭੂ ਹਨ ਅਤੇ ਉਹਨਾਂ ਸਾਰਿਆਂ ਨੂੰ ਜਿਹੜੇ ਉਹਨਾਂ ਅੱਗੇ ਪ੍ਰਾਰਥਨਾ ਕਰਦੇ ਹਨ ਅਸੀਸਾਂ ਨਾਲ ਮਾਲਾਮਾਲ ਕਰਦੇ ਹਨ 13#ਯੋਏ 2:32ਜਿਸ ਤਰ੍ਹਾਂ ਪਵਿੱਤਰ-ਗ੍ਰੰਥ ਸਾਨੂੰ ਦੱਸਦਾ ਹੈ, “ਉਹ ਸਾਰੇ ਲੋਕ ਜਿਹੜੇ ਪ੍ਰਭੂ ਦਾ ਨਾਮ ਲੈਣਗੇ, ਮੁਕਤੀ ਪ੍ਰਾਪਤ ਕਰਨਗੇ ।”
14ਪਰ ਉਹ ਪ੍ਰਭੂ ਦਾ ਨਾਮ ਕਿਸ ਤਰ੍ਹਾਂ ਲੈਣਗੇ ਜਦੋਂ ਕਿ ਉਹਨਾਂ ਨੇ ਪ੍ਰਭੂ ਵਿੱਚ ਵਿਸ਼ਵਾਸ ਹੀ ਨਹੀਂ ਕੀਤਾ ? ਅਤੇ ਉਹ ਕਿਸ ਤਰ੍ਹਾਂ ਵਿਸ਼ਵਾਸ ਕਰਨਗੇ ਜਦੋਂ ਕਿ ਉਹਨਾਂ ਨੇ ਪ੍ਰਭੂ ਦੇ ਬਾਰੇ ਸੰਦੇਸ਼ ਹੀ ਨਹੀਂ ਸੁਣਿਆ ? ਅਤੇ ਕਿਸ ਤਰ੍ਹਾਂ ਸੁਣਨਗੇ ਜਦੋਂ ਤੱਕ ਕੋਈ ਉਹਨਾਂ ਨੂੰ ਸੰਦੇਸ਼ ਹੀ ਨਾ ਸੁਣਾਵੇ ? 15#ਯਸਾ 52:7ਪਰ ਸੰਦੇਸ਼ ਕਿਸ ਤਰ੍ਹਾਂ ਸੁਣਾਇਆ ਜਾ ਸਕਦਾ ਹੈ ਜਦੋਂ ਤੱਕ ਕਿ ਸੰਦੇਸ਼ਵਾਹਕ ਹੀ ਨਾ ਭੇਜੇ ਜਾਣ ? ਇਸ ਬਾਰੇ ਪਵਿੱਤਰ-ਗ੍ਰੰਥ ਦਾ ਵਚਨ ਹੈ, “ਸ਼ੁਭ ਸਮਾਚਾਰ ਲਿਆਉਣ ਵਾਲਿਆਂ ਦਾ ਆਉਣਾ ਕਿੰਨਾ ਸੁਖਦਾਇਕ ਹੈ !” 16#ਯਸਾ 53:1ਪਰ ਸਾਰਿਆਂ ਨੇ ਸ਼ੁਭ ਸਮਾਚਾਰ ਨੂੰ ਸਵੀਕਾਰ ਨਹੀਂ ਕੀਤਾ । ਯਸਾਯਾਹ ਨਬੀ ਨੇ ਇਸ ਬਾਰੇ ਕਿਹਾ ਹੈ, “ਪ੍ਰਭੂ ਜੀ, ਸਾਡੇ ਸੰਦੇਸ਼ ਉੱਤੇ ਕਿਸ ਨੇ ਵਿਸ਼ਵਾਸ ਕੀਤਾ ?” 17ਇਸ ਲਈ ਵਿਸ਼ਵਾਸ ਸੁਣਨ ਦੁਆਰਾ ਅਤੇ ਸੁਣਨਾ ਮਸੀਹ ਦੇ ਵਚਨ ਦੁਆਰਾ ਆਉਂਦਾ ਹੈ ।
18 #
ਭਜਨ 19:4
ਪਰ ਮੈਂ ਪੁੱਛਦਾ ਹਾਂ, ਕੀ ਇਹ ਸੱਚ ਹੈ ਕਿ ਉਹਨਾਂ ਨੇ ਸੰਦੇਸ਼ ਨਹੀਂ ਸੁਣਿਆ ? ਜ਼ਰੂਰ ਸੁਣਿਆ ਹੈ ! ਜਿਸ ਤਰ੍ਹਾਂ ਪਵਿੱਤਰ-ਗ੍ਰੰਥ ਇਸ ਬਾਰੇ ਕਹਿੰਦਾ ਹੈ,
“ਉਹਨਾਂ ਦੀ ਆਵਾਜ਼ ਸਾਰੀ ਧਰਤੀ ਉੱਤੇ ਫੈਲ ਗਈ,
ਉਹਨਾਂ ਦਾ ਸੰਦੇਸ਼ ਸੰਸਾਰ ਦੀ ਹੱਦ ਤੱਕ ਪਹੁੰਚ ਗਿਆ ।”
19 #
ਵਿਵ 32:21
ਮੈਂ ਫਿਰ ਪੁੱਛਦਾ ਹਾਂ, ਕੀ ਇਸਰਾਏਲ ਨੇ ਇਸ ਨੂੰ ਨਹੀਂ ਸਮਝਿਆ ? ਸਾਰਿਆਂ ਤੋਂ ਪਹਿਲਾਂ ਮੂਸਾ ਨੇ ਆਪ ਹੀ ਇਸ ਦਾ ਉੱਤਰ ਦਿੱਤਾ,
“ਮੈਂ ਤੁਹਾਡੇ ਦਿਲਾਂ ਵਿੱਚ ਉਹਨਾਂ ਲੋਕਾਂ ਦੇ ਲਈ ਈਰਖਾ ਪੈਦਾ ਕਰਾਂਗਾ,
ਜਿਹੜੇ ਅਸਲ ਵਿੱਚ ਮੇਰੀ ਕੌਮ ਨਹੀਂ ਹਨ
ਅਤੇ ਮੈਂ ਤੁਹਾਨੂੰ ਬੇਸਮਝ ਕੌਮਾਂ ਦੇ ਰਾਹੀਂ ਗੁੱਸਾ ਦਿਵਾਵਾਂਗਾ ।”
20 #
ਯਸਾ 65:1
ਯਸਾਯਾਹ ਨਬੀ ਨੇ ਤਾਂ ਖੁੱਲ੍ਹੇ ਸ਼ਬਦਾਂ ਵਿੱਚ ਇੱਥੋਂ ਤੱਕ ਕਿਹਾ,
“ਜਿਹੜੇ ਮੇਰੀ ਖੋਜ ਵਿੱਚ ਨਹੀਂ ਸਨ, ਉਹਨਾਂ ਨੇ ਮੈਨੂੰ ਲੱਭ ਲਿਆ,
ਜਿਹਨਾਂ ਨੇ ਮੇਰੇ ਬਾਰੇ ਪੁੱਛਿਆ ਵੀ ਨਹੀਂ,
ਮੈਂ ਉਹਨਾਂ ਉੱਤੇ ਪ੍ਰਗਟ ਹੋਇਆ ।”
21 #
ਯਸਾ 65:2
ਪਰ ਇਸਰਾਏਲ ਦੇ ਬਾਰੇ ਉਹਨਾਂ ਨੇ ਕਿਹਾ, “ਇਸ ਅਵੱਗਿਆਕਾਰ ਅਤੇ ਵਿਦਰੋਹੀ ਕੌਮ ਦੇ ਵੱਲ ਮੈਂ ਹਮੇਸ਼ਾ ਆਪਣੇ ਹੱਥ ਵਧਾਉਂਦਾ ਰਿਹਾ ਹਾਂ ।”
Currently Selected:
ਰੋਮ 10: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India
