Aesaya 12
12
Kpɛɛra yela
1Awola tɔpere la,
hɛɛ ɡo yelaa ŋɔ,
“Korowii jam kɛ
o baah fa aa di n nɛɛ
dɛ berɛ sɔɔh
dɛɛ larawe n bwara
taraken nɔ.
2Kasinteŋ, Korowiirii n Lɛɛ.
Mɛɛ dɛɛ yaradao dɛ bɛ dɛɛ
ɔmɛ.
Korowii bee n bokpeɡa do,
n yel maa ɡo bwa ɡee kɛŋɔ
Korowii. Onee n Lɛɛ.”
3Gɛ nyɔɡre dɛ kpo nɛn
o dɔ kɔlɔŋ nee nyɔ,
o sie lɛ la,
ɡɛɛ dɛ Korowii lɛ nɛra aa,
ba sie ɛɛ lɛ.
4Awola tɔpere la, hɛɛ ɡo yelee ŋɔ,
“Hé yerɛ Korowii sɔn,
hé jaamo.
Hé ɡel harɛre nɛra bwa
jemɛ ɡɛ waa ɛa,
ásɛ dɛ berɛ baɡ ba ɡɛ o sɔn
aa kana.
5Hé ɡo yela kpɛɛ Korowii,
o ɛ wejena ɡa,
Hé bol a waa harɛ nɔ ta
nɛra bwa no.
6Saayɔn tena, hé hɛɡre
dɛ́ ɡo yela kohona.
Israel Nɛŋɡoroŋ la kan
kohona! O ne o nɛra so.”
Currently Selected:
Aesaya 12: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
