Tơlơi Bơrơđah 15

Ling Jang Laih Anŭn Tơjuh Kheng Klin Hnal Tuč

1Kâo ƀuh sa gru kơnăl pơkŏn amăng adai, prŏng laih anŭn yom pơphan biă mă. Hmâo tơjuh čô ling jang djă tơjuh mơta tơlơi răm ruă jing tơlơi răm ruă hnal tuč, yua kơ hăng tơlơi răm ruă anŭn Ơi Adai pơđŭt hĭ tơlơi Ñu hil.

2Kâo ƀuh sa mơnơ̆ng hơgĕt hrup hăng ia rơsĭ mơnĭl pơlŭk hăng apui, laih anŭn ƀing mơnuih hmâo dưi hĭ laih hăng hlô, hăng rup ñu, hăng mrô kơ anăn ñu, dŏ dơ̆ng jĕ ia rơsĭ mơnĭl, djă gong Ơi Adai amăng tơngan ñu. 3#Tơb 15:1.#Adoh 111:2; 139:14; 145:17.Ƀing gơñu adoh tơlơi adoh Môis, ding kơna Ơi Adai, laih anŭn tơlơi adoh Ană Triu, tui anai:

“Ơ Khua Yang Ơi Adai Dưi Kơtang!

Bruă Ih prŏng prin laih anŭn yom pơphan biă mă.

Ơ Pơtao kơ abih bang rơnŭk,#15:3 abih bang rơnŭk; đơđa hră Ơi Adai Pơhiăp so đưm čih: abih lŏn čar.

Hơdră jơlan Ih jing tơpă laih anŭn sĭt!

4 # Yêr 10:7; Adoh 86:9. Ơ Khua Yang, hlơi pô ƀu či hwĭ pơpŭ kơ Ih,

Laih anŭn ƀu ngă guh kơang kơ anăn Ih?

Yua kơ kơnơ̆ng hơjăn Ih đôč jing hiam hơčih.

Abih bang kơnŭng djuai mơnuih či rai

Kơkuh pơpŭ ƀơi anăp Ih,

Yua kơ khul bruă tơpă hơnơ̆ng Ih hmâo pơrơđah laih.”

5 # Tơb 38:21. Giơ̆ng anŭn kâo ƀuh sang kơkuh pơpŭ, jing Sang Khăn Gơ̆ng Jơlan amăng adai pŏk hĭ. 6Laih anŭn tơjuh čô ling jang djă tơjuh mơta tơlơi răm ruă tơbiă mơ̆ng sang kơkuh pơpŭ, buh ao kơbuă rơgoh bơngač laih anŭn hrăng bơnal mah ƀơi tơda. 7Sa drơi amăng pă drơi hlô mơnơ̆ng hơdip brơi kơ tơjuh čô ling jang tơjuh boh čơlŭ mah bă hăng tơlơi Ơi Adai hil, Pô hơdip hlŏng lar. 8#Tơb 40:34; I Pơtao 8:10,11; II Kôr 5:13,14; Êsai 6:4.Sang kơkuh pơpŭ bă hăng asăp apui mơ̆ng tơlơi ang yang Ơi Adai laih anŭn mơ̆ng tơlơi mơyang Ñu, ƀu hmâo hlơi dưi mŭt amăng sang kơkuh pơpŭ tơl tơjuh mơta tơlơi răm ruă mơ̆ng tơjuh čô ling jang hmâo pơgiơ̆ng hĭ.

Currently Selected:

Tơlơi Bơrơđah 15: JRA2016

Highlight

Copy

Compare