Tơlơi Yap 12
12
Arôn hăng HʼMiriam Pơkơdơ̆ng Glaĭ Môis
1HʼMiriam hăng Arôn pơhiăp rơkut pơkơdơ̆ng glaĭ hăng Môis yua kơ ñu hmâo dŏ laih sa čô đah kơmơi mơnuih Kus. 2Dua gơñu laĭ tui anai: “Yêhôwa kơnơ̆ng pơhiăp găn mơ̆ng#12:2 Dưi pơblang dơ̆ng mơ̆n: hăng. Môis đôč hă? Ñu ƀu hmâo pơhiăp hăng ƀing ta ôh hă?” Samơ̆ Yêhôwa hmư̆ tơlơi anŭn. 3Môis jing sa čô mơnuih luă gŭ biă mă, luă gŭ hloh kơ abih bang mơnuih ƀơi lŏn tơnah anai. 4Tañ mơtam Yêhôwa laĭ kơ Môis, Arôn hăng HʼMiriam tui anai: “Klâo čô ƀing gih nao bĕ pơ Sang Khăn Pơƀŭt.” Tui anŭn klâo gơñu nao. 5Yêhôwa trŭn rai ƀơi gơ̆ng gơnăm, Ñu dŏ dơ̆ng ƀơi bah amăng Sang Khăn Pơƀŭt laih anŭn iâu Arôn hăng HʼMiriam. Tơdang dua gơñu truh, 6Yêhôwa pơhiăp: “Hmư̆ bĕ boh pơhiăp Kâo.
Tơdang hmâo sa čô pô laĭ lui hlâo dŏ tơ̆ng krah ƀing gih
Kâo jing Yêhôwa či pơrơđah hăng ñu amăng tơlơi bơrơđah
Laih anŭn pơhiăp hăng ñu amăng tơlơi rơpơi
7Samơ̆ ding kơna Kâo jing Môis ƀu djơ̆ tui anŭn ôh.#Hêb 3:2.
Ñu tŏng ten biă mă amăng abih bruă sang Kâo.#12:7 Dưi pơblang dơ̆ng: Kâo đaŏ kơ ñu laih anŭn jao abih sang Kâo brơi kơ ñu.
8Kâo pơhiăp hăng ñu anăp pơklă anăp hăng tơlơi rơđah rơđong, ƀu hmâo hơgơ̆m ôh
Laih anŭn ñu ƀuh rup Yêhôwa
Tui anŭn, yua hơgĕt ƀing gih ƀu hwĭ ôh samơ̆ pơhiăp rơkut pơkơdơ̆ng hăng ding kơna Kâo, Môis?” 9Tơlơi hil Yêhôwa tơgŭ đĭ hăng dua gơñu laih anŭn Ñu đuaĭ mơ̆ng gơñu.
HʼMiriam Djơ̆ Phung
10Tơdang gơnăm đuaĭ hĭ mơ̆ng Sang Khăn Pơƀŭt, HʼMiriam djơ̆ phŭng kŏ kar hăng pler. Arôn wir nao pơ HʼMiriam hăng ƀuh gơ̆ hmâo djơ̆ phŭng laih. 11Arôn pơhiăp hăng Môis: “Ơ, khua kâo, anăm pơkơhmal ƀing gơmơi yua kơ tơlơi soh ƀing gơmơi hmâo ngă laih hăng tơlơi mlŭk biă mă. 12Anăm brơi ñu kar hăng sa čô ană nge djai rơngăt klĭ asar ñu brŭ hĭ ha mơkrah.” 13Môis iâu kơwưh Yêhôwa tui anai: “Ơ Ơi Adai hơi! Rơkâo Ih pơhlao brơi ñu bĕ!”
14Yêhôwa laĭ hăng Môis: “Tơdah ama ñu kơčuh ia bah ƀơi ƀô̆ ñu, ƀu djơ̆ ôh hă ñu či dŏ amăng tơlơi mlâo tơjuh hrơi? Arăng pioh ñu gah rơngiao kơ anih jưh amăng tơjuh hrơi; tơdơi kơ anŭn arăng či ba glaĭ ñu amăng anih jưh.”#Yap 5:2-3. 15Tui anŭn, HʼMiriam arăng pioh hĭ ñu gah rơngiao kơ anih jưh amăng tơjuh hrơi. Ƀing ană plei pla ƀu rơbat nao pơ anih pơkŏn ôh tơl arăng ba glaĭ HʼMiriam mŭt amăng anih jưh. 16Giơ̆ng anŭn, ană plei pla mơ̆ng Hasêrôt đuaĭ nao laih anŭn ngă kơđông amăng tơdrŏn har Paran.
Currently Selected:
Tơlơi Yap 12: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
