Luglaa 36
36
Ɛsau naanna wia
1Ɛsau naanna wiarɛ keŋ. U sɔŋ bɛllɛ faa Ɛdɔm.
2Ɛsau faa kpa haana banɛɛrɛ di lii Keenan hɛri. Bɛllɛ Hitti hinuu Ɛlɔn biihaaŋ Ada. Bɛl genii Ana biihaaŋ Ɔhɔlibama la n faa ɛɛ Hivi hinuu Zibiɔn naana. 3Di faa kaa kpa u mɛɛ Ismɛl biihaaŋ Basɛmaf la n faa ɛɛ Nɛbayɔf niuhambie la.
4Ɛsau ni Ada la faa lul biibaal, ba ra yiruu Ɛlifaz. U ni Basɛmaf la ge lul Riwɛl. 5Ɛsau ni Ɔhɔlibama ge lul Jɛyus, Jalam ani Kɔra. Keenan hɛrii Ɛsau faa lul biibaala naa maa.
6Denii Ɛsau faa izi di kpogli u haana, u biizi ani u diahina maa, di kpa u kundɛɛzaa ani u kundɔɔlaa la maa un nawɛɛ lii Keenan hɛri la, di kaali hɛri bɛl ka ka u niwee Jekɔb, 7dikuubɛɛwiai, de hɛri la faa waa kaŋ bá ni ba sekpila la maa du de. 8Awia, Ɛsau faa la ga so giŋgimee bɔr n du Sɛɛ hɛri, ba ra yir de Ɛdɔm.
9Ɛdɔm hina naabaal Ɛsau naanna wiarɛ keŋ.
10Ɛsau ge biibaalaa faa,
u haaŋ Ada biibaal Ɛlifaz, u haaŋ Basɛmaf la ge biibaal, Riwɛl.
11Ɛlifaz ge naannaa faa,
Tɛman, Omar, Zɛfɔ, Gatam ani Kɛnaz.
12Ɛlifaz ni u hahjiga Timna faa kaa lul biibaal Amalɛk. Bannii maa faa ɛɛ Ɛsau haaŋ Ada naannaa.
13Riwɛl ge biibaalaa faa,
Nahaf, Zɛra, Samma ani Miza.
Ba maa ɛɛ Ɛsau haaŋ Basɛmaf ge naanna.
14Ɛsau ni u haaŋ Ɔhɔlibama la
ge n faa ɛɛ Ana biihaaŋ
di kaa ɛɛ Zibiɔn naana
la ge faa lul biizi.
Ba ge sɔnaa, Jɛyus,
Jalam ani Kɔra.
15Banniibuu faa ɛɛ koora, Ɛsau naanna biini.
Ɛsau biibambilugli Ɛlifaz biibaalaa,
Tɛman, Omar, Zɛfɔ, Kɛnaz,
16Kɔra, Gatam ani Amalɛk. Koora naabuu faa lii Ɛlifaz naanna biini, Ɛdɔm hɛri. Ba faa ɛɛ Ada naannaa.
17Ɛsau biibaal Riwɛl la ge biibaalaa faa,
Nahaf, Zɛra, Samma ani Miza ba genii faa koora, Ɛdɔm hɛri.
Ba ge faa ɛɛ Ɛsau haaŋ Basɛmaf naanna.
18Ɛsau ni u haaŋ Ɔhɔlibama ge biibaalaa faa,
Koora Jɛyus, Jalam ani Kɔra.
Baabuu faa Ɛsau haaŋ Ɔhɔlibama la
n ɛɛ Ana biihaaŋ la naanna.
19Bannii naa maa ɛɛ Ɛsau la banna yir Ɛdɔm la deere.
20Hɔri hinuu Sɛɛ ge biibaalaa faa,
Lɔtan, Sobal, Zibiɔn,
Ana, 21Disɔn, Ɛza ani Disan.
Sɛɛ biibaala naabuu
faa ɛɛ Hɔri hina koora,
Ɛdɔm hɛri.
22Lɔtan biibaalaa faa,
Hɔri ani Hɔmam.
U niuhambie ge sɔnnɛ faa Timna.
23Sobal ge biibaalaa faa,
Alvan, Manahaf, Ɛbal,
Sɛfɔ ani Ɔnam.
24Zibiɔn ge biibaalaa faa,
Aaya ni Ana.
Ana naabuu faa na bulwema
hɛribɔduma biini,
di u faa ra nɔɔni
u mɛɛ Zibiɔn kauzi.
25Ana biizii faa,
Disɔn ani u niuhambie Ɔhɔlibama.
26Disɔn ge biibaalaa faa,
Hɛmdan, Ɛsban, Itran ani Kɛran.
27Ɛza biibaalaa faa,
Bilhan, Zaavan ani Akan.
28Disan ge biibaalaa faa,
Uz ani Aran
29Hɔri hina kooraa faa,
Lɔtan, Sobal, Zibiɔn,
Ana, 30Disɔn, Ɛza ani Disan,
di lii ba dizi biini, Ɛdɔm hɛri.
Ɛdɔm koora wia
31Koora la maa n faa di kora Ɛdɔm hɛri, mɔɔ ka Izrɛl koori maa haa wa diu keŋ,
32Bɛɔ biibaal Bɛla faa di Ɛdɔm koraa. U bolzeŋ sɔnnɛ faa Dinhaba.
33Koori Bɛla n wa siuwɛ, Zɛra biibaal Jobab la n faa lii bolzeŋ Bɔzra la, kpa u gawa, di di a kora.
34Koori Jobab ge n wa siuwɛ, Tɛman hinuu Husam la kpa u gawa, di di a kora.
35Koori Husam ge n wa siuwɛ, Bɛdad biibaal Hadad, la n faa kpegli Midian hina, Moab hɛri biini la, kpa u gawa, di di a kora. Ba faa dau u bolzeŋ sɔŋ Avif.
36Koori Hadad n wa siuwɛ, Samla n lii bolzeŋ Masrɛka la ge kpa u gawa, di di a kora.
37Koori Samla ge n wa siuwɛ, Sual n lii bol bɛl banna yir Rɛhɔbɔf la n du Muu Yufretis la, kpa u gawa, di di a kora.
38Koori Sual ge n wa siuwɛ, Akbɔ biibaal Baal Hanan kpa u gawa, di di a kora.
39Akbɔ biibaal Baal Hanan n wa siuwɛ, Hadad kpa u gawa, di di a kora. Ba faa dau u bolzeŋ sɔŋ Pau. U haaŋ sɔnnɛ faa Mɛhɛtabɛl, u ɛɛ Matrɛd biihaaŋ. Matrɛd ge maarɛ faa Mɛ Zahab.
40Koora naabuu faa lii Ɛsau naanna biini. Ba sɔnaa keŋ di hiŋzi ba domeezi ni ba hɛssi.
Timna, Alva, Jɛtɛf, 41Ɔhɔlibama, Ɛla, Pinɔn, 42Kɛnaz, Tɛman, Mibzar, 43Magdiɛl ani Iram.
Ba maa naabaallɛ faa Ɛsau.
Currently Selected:
Luglaa 36: vag
Highlight
Copy
Compare
Share
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
