Asmani kitab: Sulaimani misal 18
18
1Niz motlobie eḳla sole,
bibeḳ-bisaror ulṭa aṭe.
2Bala buzaile ammok bezar,
dam dey ḳali he nizor ḳotar.
3Bod ḳame ane oshomman,
beijjotie ane bodnam.
4Goin fani zela mukor mat-o ola,
zornar fut zela gianor shuru ola.
5Bisaro forezgaror ḳetir ashae,
naformanor fokkofati bala nae.
6Ammokor ṭuṭe ḳaijjare ḍake,
tar muke-u mair ḳaoae tare.
7Mukor dae ammok more,
ṭuṭor dae fando foṛe.
8Gibot buli hunte moza,
dilor bitre hamae shuza.
9Nizor ḳamo alshia ze,
shoytanor bai bone he.
10Mabudor nam-u mozbut bankar,
douṛia asroy fain forezgar.
11Donir don-u tar mozbut ṭikana,
he mone ḳore usa baunḍori ita.
12Ohonkare foton ane,
norom mone ijjoti bone.
13Hunar age zuaf dile,
ammoki ar shorom mile.
14Monor bole bemarire shaijjo ḳore,
mon bangile kun zone shoito fare?
15Buddimanor dile buddi kamae,
gianir ḳane buddi tukae.
16Ufoharor usillae nanan fot kule,
itae ane tare dami zonor samne.
17Mamlar foyla zobanbondie buza zae he-u ṭik,
ukile zerar bade zana zae to ṭik na beṭik.
18Loṭari maria zamela shesh ḳora zae,
bolala dui fokkor maze shomadan ae.
19Baie baie mair-ḳaijjae shomporko nosṭo,
desh doḳol taki-u ḳoṭin ṭik kora i shomporko.
20Mukor mate feṭ borilae,
ṭuṭor ḳotae tusṭo oizae.
21Zifrar dae zibon-moron,
zela mate ola-u folon.
22Bou faile balai ae,
Mabud taki doya fae.
23Goribe minoti kore doyar ashae,
donie fashan mone zuaf dilae.
24Beshi bondu ase zar tar oy ḳeti,
ḳaṭi bondu bala to afon bai taki.
Currently Selected:
Asmani kitab: Sulaimani misal 18: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
