Asmani kitab: Sulaimani misal 19
19
1Misa matra ammok takia,
hok fote sola gorib bala.
2Buddi saṛa nai shoḳor dam,
bul oy uṛa-taṛar ḳam.
3Nizor be-aḳoli-u nizor fotor bada,
ta-o Mabudor ufre he deḳae gusa.
4Don-doulote bout bondu ane,
goribie dustre-o alog ḳore.
5Misa shakkir nichchit shaza,
misa matrar-o nai rokka.
6Boṛolukor doya sae boute,
dankarir dust oy hoḳole.
7Goribor afon baie-o tare ginnae,
dust oḳole-o nichchoy tare saṛia zae,
tar ḳandon ḳeuror ḳano na hamae.
8Gian ḳamai kore ze, nizore bala fae he,
hefazot ḳorle aḳolre, tar-u unnoti mile.
9Misa shakkir nichchit shaza,
binash oibo misa matra.
10Ammokor bilashita haze na,
gulamre raz-godit manae na.
11Aḳoldaror gusa uṭe aste-dire,
ofoman na dorle tar shomman baṛe.
12Bashshar rag-gusa shinghor hunkaror laḳan,
tan doya gashre taza ḳora kuar laḳan.
13Be-aḳol fut bafor lagi shorbonasha,
ḳaijjakur bou obiram megor fuṭa.
14Baf taki fae mouroshi don-baṛi,
aḳoldar bou mile Mabud taki.
15Alshie goin gum ane,
feṭor buke kuṛia more.
16Hukum manle base zibon,
ela ḳorle oibo moron.
17Goribor bae doya Mabudre ḳorzo deoa,
ou doyar bodlai to Mabude-u tare diba.
18Shomoy taḳte shashon ḳoro tumar futre,
shashon na ḳorle he zaibo binashor fote.
19Beshi gusa zar shaza oibo tar,
lai dile tare ḳorbo bar bar.
20Foramish huno shashon mano,
heshe zanu giani bono.
21Manshe mone mone bout shofno deḳe,
Mabudor morzi-munsha-u zari taḳe.
22Manshe sae manshor doya-maya,
beiman taki gorib-u bala.
23Mabudor ḍor-ḳof zindegir fote salae,
otae zindegit aram-shanti milae,
kunu bifod-afode ar faito nae.
24Alshiae talo at harae,
haraia muko nite ḳoshṭo fae.
25Tamshaḳarire marle shida oy aḳoldar,
buddimanre damki dile buddi baṛe tar.
26Bafre zegie zulum ḳore maʼre-o dey ḳedai,
ma-bafor shorom-beijjoti ane to ou fuae.
27Ore fut amar nosiot na hunle,
aḳol saṛia zaibaegi be-fote.
28Misa shakkie hok bisarre tamsha ḳore,
naformane tar mukdi karafire gile.
29Tamshaḳarir lagi shaza ase zuit,
ammokor fiṭor lagi reḍi ase sabuk.
Currently Selected:
Asmani kitab: Sulaimani misal 19: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
