Asmani kitab: Sulaimani misal 17
17
1Ḳaijjar goror kurma-fulao takia,
shay-shantie ḳali hukna ruṭi-o bala.
2Giani saḳor ḳorta oy kulangar futor ufre,
mouroshi baṭ faibo he malikor fuaintor loge.
3Aguine zasai kore shuna-rufare,
Mabude zasai koroin manshor ontorre.
4Bojjati buli hune bojjate,
beimane ḳan fate gibote.
5Gorib-ḳangalor loge tamsha ḳore ze,
foydaḳarir loge-u tamsha ḳore he.
Manshor bifod dekia kushi lage zar,
shaza taki rehai to milto nae tar.
6Nati-futi to moy-murobbir taz,
fua-fuṛir gourob tarar ma-baf.
7Ammokor ṭuṭo fonḍiti mat haze na,
dami zonor ṭuṭo misa mat ḳaṭe na.
8Gush dile zadur ḳaṭi mile,
zeta sae otat-u shofol bone.
9Oforad lukaile baiafi ṭike,
bar bar ḳoilile baiafi bange.
10Eḳ damkie aḳoldar zotoḳan bodlizae,
eḳsho sabuke-o ammok otoḳan na bodlae.
11Bod-ḳobise ḳali birudita ḳore,
tar lagi faṭaiba nisṭur-fashanre.
12Ammokie bora ammokor mulaḳat takia,
baichcha arail ballukir mukabila-o bala.
13Ufoḳar faia zegie ḳeti kore,
ḳetie kunudin tar gor na saṛe.
14Ḳaijjar shuru band-banga futor fani,
maramarir age-u bala ota miṭani.
15Naformanre ḳalas deora,
forezgarre shaza deora,
olan duio bisarḳari,
Mabudor souḳo noforoti.
16Ṭeḳa ato taḳle-o kita lab ammokor?
Gian ḳorid ḳorar mon nai to tar bitor!
17Duste ḳore hamesha maya,
bair zonom bifodo saoa.
18Zimmadar oy ze be-aḳol zon he,
be-aḳol zone dustor zamindar bone.
19Gunare bala faile ḳaijja-o bala fae,
nizor binash ḍakia ane nizor gorimae.
20Dil beḳa zar shuk nai tar,
zif beḳa zar mosibot tar.
21Ammok fut bafor duḳ,
be-aḳolor bafor nai shuk.
22Monor kushi-u shera daoai,
dil bangile aḍḍi-o hukae.
23Hok bisaro fes laganir dandae,
naformane lukai lukai gush ḳae.
24Gian azir aḳoldaror samne,
ammokor souḳe hara dunia gure.
25Ammok fute bafre zalae,
he tar maijire-o ḳandae.
26Zorimana ṭik nae forezgarre,
mair-doir-o ṭik nae nirdushire.
27Giani shabdane mate,
aḳoldar ṭanḍa taḳe.
28Nirai taḳle ammokre-o giani buzae,
muk bondo raḳle tare aḳoldar deḳae.
Currently Selected:
Asmani kitab: Sulaimani misal 17: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
