NDAUHLOUMEI 15
15
Kauh Baanchara Chanei khatni Ntaamhmei Chanei
1Mi tangv, ndanhpui tuang, kadath datmei akhat tingpuk khou how e. Mi kiu ntaamhmei chanei phunghmei kauh baanchara chanei e. Hei tei nkhamhmei the; hei tei Ravguangc lungpuam nganvloumei the.
2Mi tangv, mai kazauhmei maengzau tuang duipui kumhmei akhat how e. Khouringh khatni mi maengc ta rihngammei nunc khatni kazanc phaan kasing rui lynmeipu ta rihngammei nunc ta ai how e. Kaniw tei Ravguangc rui tiiloumei nrac sinna, mi maengzau duipui daeng khou tei dingna, 3Ravguangc bangc Mousi khatni Lauziu Nac tuang lu mi kumna suan bam e:
“He Poubauhmei Ravguangc, Ngamparimeipu!
Nang taanv guay hei daic e, khatni charyn e!
He zaatc guayna Guangc,#zaatc guayna Guangc: Baanhhy baibal asaekc khou thu zuk zuk tuang Guangc twna hylou e.
Nang chaeng guay nchumh e khatni nzih e!#Tat 15.1
4Nang ta ping lak nimei thow nai cho,
Nang zanc ta thuanc lak nimei thow nai cho, He Poubauhmei?
Zaatc guayna guangna nang ta kalum puni,
kalam thu nang tuang nchumhmei latzan guay how the.”#Jer 10.7; Kal 86.9
5Mi tangv hei laanclou bammei ravkai tingkauh thangc how e. Mi khou tei Nthanmei Pheykai nai e.#Tat 38.21 6Ntaamhmei chanei phunghmei kauh baanchara chanei mi ravkai khou tei rui pat re. Kaniw mphwan karangmei pwan piu e kumna kaniw ngaengv khou kachaekc paek kamclou e. 7Khoutei khouringh padeih pang khou tei akhat rui tingsaeng ringc bammei Racguangc tuang lungpuam rui padikmei kachaekc kamkuak chanei kauh baanchara chanei khou tei tiilou kan e. 8Ravguangc hym khatni katuang pumtan tuang maikhou rui mi ravkai tei padik khwan e. Kumna kauh baanchara chanei rui phungc guangmei ntaamhmei chanei tei luai kan mak saanv, meic gaanv khat na sini mi ravkai khou tei gut nuh mak ge.#Tat 40.34; 1 Ki 8.10-11; 2 Ki 5.13-14; Isa 6.4
Currently Selected:
NDAUHLOUMEI 15: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
