KALUMLU 8
8
Ravguangc Hym khatni Maansei Gunc
1He Ringhpouc, aniw Racguangc,
nang tik nang gunc kandih kapwm khou how e!
Nang ta thuanhmei tingpuk thuanc tangc e;
2alauc nunc khatni ngasatna nunc rui thuancna suan e.
Nang ta zauczihmei nunc rui
nang ta sw kasic dat ngam mak khe;
nang ta akhangvpui mei nunc ta nym keylou e.#Met 21.16
3Nang rui damcloumei tingpuk,
nang rui kabamv kabamv khou duancloumei bw khatni gaanchuangcna guay ta zauc pwkhou,
4nang rui maansei ta heidi kadanna
kakhanh bammei hei tabui cho twna ai kakhanh e.#Job 7.17-18; Kal 144.3; Ibr 2.6-8
5Nang rui kata nang suangc nthyam maihna damclou sini,
nang rui kakhou nang hym khatni nang gunc tiilou the.
6Nang baansyam guay ruc khou nang rui kata kaipouc tiswlou the.#1 Ko 15.27; Eph 1.22; Ibr 2.8
7Lauziu khatni kiruai,
nwmbangc khouringc guay,
8nruayna guay, khav guay, khatni duipui khou naimei khouringc guay ruc khou,
kata kaipouc tiswlou the.
9He Ringhpouc, aniw Kaipouc,
nang tik nang gunc kandih kapwm khou how e!
Currently Selected:
KALUMLU 8: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
