KALUMLU 7
7
Nchumhmei Taanclou khang Huayneymei
1He Ringhpouc, aRacguangc,
ai nang khou duplou e;
ata suic bammei nunc khou rui kanlou o,
kaniw khou rui gulou o.
2Kamang nkay kumc kaniw ata puanc tat puni,
kanlou nimei maekna sat tat puni,
kaniw rui ata thaekpuat paruatlou puni.
3He Ringhpouc, aRacguangc,
mi guay hei ai taanclou khwan e thei:
ai taanc maanvlou tuang nai e thei,
4apammei khou simei taanclou tuang nai e thei,
ata zauczihmei tuang kalam maekna kwam laalou tuang nai e thei;
5zauczihmei nunc rui ata nthau
tangcna nym kan di tho,
kaniw ata dowluaina aphouc
kandih khou ganclou kan di tho!
6He Ringhpouc, nang lungpuamcna thaulou o!
Ata zauczihmei nunc
kaniw reic thauna lungpuamc bammei hu khou hei thaulou o;
nang thauna ata nkhavlou o;
nchumhmei latzan swlou o.
7Meic guay ta nang daeng khou khuam guanglou o;
kauh thangc rui kaniw ruc khou guanghtuna sinlou o.
8He Ringhpouc, zaatc guayna latzanpouc,
akhang latzan swlou o;
akhuay maek ge twmei nang thay e.
9Nang hei nchumhmei Racguangc e,
lungning khatni lungsyng ta latzan swmeipu e.
Meicgay makmei nunc tuang simei taanv tei ti-nthaekclou o,
kumna ravchaptatmei nunc ta suaihiamlou o.#Nda 2.23
10Ravguangc hei ata gaekloumeipu e;
kalat piumei guay ta kamei rui kanlou e.
11Ravguangc hei nchumhmei latzanpouc e,
kumna meicsimei nunc ta kaganv thuic latzan sw bammeipu e.
12Kaniw lunghlaih mak ge thei,
Ravguangc katuang thandibaeng kating the.
Kamei katuang saucpai mbwng pat the.
13Theic nuhmei buy-baeng kamei sin thau the,
khatni katuang chuanghmei pailu khaanc bam the.
14Zauclo, meicsimei nunc rui
simei taanv taanh khang kakhanh bam e;
kaniw tiryanra khang raengc e khatni meicguatmei taanv taanc e.
15Tiki kaniw rana kaniw tuang kwam khou keylou the.
16Kumna kaniw tuang meicguatmei taanv guay tei rui kaniw rana kaniw ta dandi tii the,
khatni kaniw rui meickai ta swluai khang swmei tei rui kaniw rana kabiu the.
17Katuang nchumhmei taanv khang rui;
ai Ringhpouc ta thuanc ni;
kauh liangsyngmeipu ta ai thuancna suan ni.
Currently Selected:
KALUMLU 7: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
