KALUMLU 6
6
Ryanramei Ganv khou Nkhavlou khang Huayneymei
1He Ringhpouc, nang lungpuamcna ata luhlou rio!
Nang lungpuamcna ata riaplou rio!#Kal 38.1
2He Ringhpouc, ata zauc nzianlou o!
Apumc ngam mak khe;
apumtan maek khe;
ata tigaylou o.
3Ai ryanramei kasyng tangc the.
He Ringhpouc, asaanh kum bam nina cho?
4He Ringhpouc, apanty kanlou o,
nang zauzian rui ata kanlou o.
5Taruaih khou thu nang ta ningtow dat mak khe;
mi khou tei thu nang ta thuanc ngam mak ge.
6Zaengsimei rui ai lak the,
zingbangc kathuic amikdui rui alaeng timc bam e,
apyban amikdui rui zuat the.
7Zaengsi mikdui rui amik how mak khe;
howmumei nunc zaeng rui amik kap puamc ngam the.
8Meicgay makmei nangniw,
akhou rui tat duc kan o.
Ai kapmei khwan Ringhpouc chulou e.#Met 7.23; Luk 13.27
9Ai kapna huaymei kamei chulou e,
ai huayneymei dawlou e.
10Ata zauczihmei nunc zak puni,
zawsina kaniw pak puni.
Currently Selected:
KALUMLU 6: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
