KALUMLU 5
5
Gaeklou khang Huayneymei
1He Ringhpouc, alat nkinglou o,
ai kalangh bammei hei chulou o.
2He aGuangc, aRacguangc,
ai kap bammei hei nkinglou o,
ai huayney bammei hei chulou o.
3He Ringhpouc, nang lauthwan akhwan chulou e,
neih pat rey thuai khou huayney e,
nang rui dawloumei nkhwan e.
4Nang thu simei taanv ta kahawmei Racguangc hamh e;
nang daeng khou simei nai nuh mak ge.
5Daihriw swmei ta nang zauc nii mak ge;
meicgay makmei guay ta nang karaeng e.
6Saraamhmei nunc ta nang rui swmutlou e,
khatni zeimiw zeihaeng tikeypui mei,
meicguatpui mei ta karaeng e.
7Tiki nang zauzian daihmei paan rui ai nang kai khou gutmei tuang e,
nkhum keyna nang ta kalum ngammei tuang e.
8He Ringhpouc, ata zauczihmei geic the!
Nang chwn thei layna tat khang zaylou o;
nangchaeng nthanna dinclou o.
9Kaniw latling sa mak ge;
sw kasic khang na ning e.
Kaniw baley rui thu sa chuy e;
tiki kaniw mwang thu tarou kai de.#Rom 3.13
10He Ravguangc, kaniw ta dandi tiilou o,
kaniw rana kaniw phac manc kan diu.
Kaniw paap geic the,
kaniw nang lat piu mak khe;
kaniw ta nang khou rui alay ganclou o.
11Nang khou duploumei guay neihla bam kan diu;
kaniw lu suanna neihla bam kan diu.
Nang paan rui kaniw neihla bam khang, nang ta nzianmei guay ta gaeklou o.
12He Ringhpouc, ravchaptatmei ta
nang rui suaihiamlou e;
nang zauzian rui kaniw ta nggih kumc gaeklou e.
Currently Selected:
KALUMLU 5: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
