KALUMLU 4
4
Nkhavlou khang Zingbangc Huayneymei
1He aRacguangc, ata nkhavloumeipu,
ai huayney pwkhou dawlou o!
Ai ryanrapui ganv khou
nang rui ata nkhavlou e.
Ntaw ni ata zauc nzianlou o,
ai huayneymei hei chulou o.
2He meic nuncle, nangniw asaanh ata tizak bam nina cho?
Nangniw asaanh nsa karaeng ta kahaw bam nina cho?
Asaanh saraamhmei thei suic tat bam nina cho?
3 Ringhpouc rui ravchaptatmei ta kakhang kadahlou e,
ai rui kata kaw pwkhou kamei chulou e twmei nangniw thay o.
4Lunghpuamc sini paapc taanh riu;
nangniw laeng khou aliauna,
reih reina kakhanh zauc o.#Eph 4.26
5 Ringhpouc khang nchumhna khaeng o,
kumna kakhou lwmlou o.
6“He Ringhpouc, aniw khou suaihiam tiilou geic o,
aniw ta nzianna zauclou o!”
twna meic mpeyna rui huayney e.
7Tiki nang rui akhou tiiloumei ramneila hei,
kaniw nap-bi khatni drakhadui geicna naimei ramneila suangc neihla e.
8Ai zip keyna zip zuh zuna zip ni;
He Ringhpouc, nang rui ata gaeklou e.
Currently Selected:
KALUMLU 4: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
