KALUMLU 3
3
Nkhavlou khang Lauthwan Huayneymei
1He Ringhpouc, ata howmumei geic the;
ata zauczihmei geic the!#2 Sa 15.13—17.22
2“Ravguangc rui kata nkhavlou ni tu hamh e,”
twna kaniw sa bam e.
3Tiki, Ringhpouc,
nang akhang nggih e,
ata daengc haengvlou bam e,
nang paan rui ai rih ngam e,
nang rui apy puanc kauh thaulou e.
4Ai Ringhpouc ta kauc e,
katuang nthanmei chyng khou rui kamei rui dawlou e.
5Ai zip keyna zipri tat the,
Ringhpouc rui ata gaeklouna ai zipthau dat the.
6Ata bam haengv bammei,
zauczihmei ching ching ti hei ai ping mak ge.
7He Ringhpouc, guanglou o!
aRacguangc, ata kanlou o!
Ata zauczihmei nunc khacbaeng bai baulou e,
meicsimei nunc nei diangc baulou e.
8Rihngammei hei Ringhpouc rui e.
Nang suaihiam nang mei nunc khou nai diu.
Currently Selected:
KALUMLU 3: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
