KALUMLU 36
36
Maansei Ramsi
1Paapc rui meicsimei lung syng khou sa bam e;
kamei Ravguangc ta laalou mak ge,
kata ping mak ge.#Rom 3.18
2Kalam thu kamei karana kata ning kauh the,
Ravguangc rui kapaap ta thay ni tu hamh e,
kakhuay thay ni tu hamh e,
twna kamei kakhanh e.
3Kalatsav simei khatni saraamhmei rui padik ge;
ningtyngmei khatni gaymei taanv kamei taanh mak ge.
4Kamei kalaeng khou nganv,
simei taanh khang rana kakhanh e;
kamei rui taanhmei taanv gaymei khat sini maek ge,
simei ta ganh mak ge.
Ravguangc Ramgai
5He Ringhpouc, taek makmei nang ramzian hei
tingpuk kau kauh tangc e.
Nang tuang suai makmei lwnlung hei tingpuk kau kauh e.
6Nang nchumhmei hei chyngbut twan kumc kauh taph tap e;
nzihmei nang latzan hei duipui thukh saanv nthuk ge.
Maansei khatni khouringh guay ta kadanlou bam e.
7He Ringhpouc, nang rui taek makna
nzian bammei ramzian hei
adih kungc kan tu cho!
Nang swkaeng lim khou aniw duplou e.
8Nang rui mphamh mphaahna
kicloumei khwmkih taektw aniw tu the;
nang ramgai duithuak khou
nang rui aniw ta tizangvlou the.
9Ringhpaan kaguay hei nang khou na rui guang tuang e;
nangriw rui aniw ta tigaanclou e.
10Nang ta thaymei nunc ta nzian tanh tanlou o,
ravchaptatmei nunc khou gaymei taek makna taanclou o.
11Daihriw swmei nunc rui ata adow khang nuhlou rio,
meicsimei nunc rui ata ti-alay ganclou rio.
12Meicgay makmei nunc ta tei
kaniw bow keyloumei bamv khou tei zauc lo.
Kaniw thau dat ngam makna zip bam e.
Currently Selected:
KALUMLU 36: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
