KALUMLU 2
2
Ravguangc rui Kadahloumei Guangc
1“Tabui khang zaatc nunc rui raengc bam tu cho;
tabui sw khang laa tu lakmei raeng raengc bam tu cho,#Lat 4.25,26
2 Ringhpouc khatni kamei rui thauh teyloumei guangc ruc khou,
dihsinpouc nunc rui karianhna sa the,
3aniu kaniw bangc khou bam taan di kho,
Kaniw rui aniu ta bangclou bammei khou rui duak kan di kho.”
4Tingkauh guangc bamvpaeng khou dungc bammeipu rui nuic e,
Ringhpouc rui kaniw ta malana nuic e.
5Khoutei kalungpuamcna kaniw ta luh the,
kareic thauna kaniw ta tiping kadunhlou the.
6“Atuang nthanmei Zaion Chyng khou ai rui guangh suamclou kan the,” twna sa e.
7Guangh tei rui sa e,
“Ringhpouc rui sapat kanmei lat tei ai kauc ndauh puni.
‘Nang hei anac mpouh the;
aseic rui ai nang pu sw the.#Lat 13.33; Ibr 1.5; 5.5
8Ney o, ai rui zaatc guayna ta nang khang tii puni;
kandih kapwm hei nang tuang sw puni.
9Nang rui kaniw ta tanlubungc rui dap puatlou puni,
bihlai ta kumc siauc puatlou puni,’ ”
twna kamei rui akhou sa the.#Nda 2.26-27; 12.5; 19.15
10Mi zaeng rui guangh nunc, ningtyng thay lo;
dihsinpouc nunc, ramhthay lo:
11 Ringhpouc ta pingna kasiamruai sw o;
12ping kadunhna kata kalum o.
Kum mak ge thei kalungpuam nang khou keylou puni,
mang chaeng kumcna theic puni.
Kakhou duploumei guay sangaymei e.
Currently Selected:
KALUMLU 2: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
