KALUMLU 29
29
Pwanzingh khou Ringhpouc Khwan
1He tingkauhmei nunc,
Ringhpouc ta thuanc o;
kahym khatni kangamv ta thuanc o.
2 Ringhpouc tuang hymdaihmei zanc ta thuanc o;
nthanmei rui karuhna Ringhpouc ta kalum o.#Kal 96.7-9
3 Ringhpouc khwan duipui khou rui chu e;
hymdaihmei Racguangc rui tingthinc ganhkey e,
kakhwan duipui paengc kagaengv tangc e.
4 Ringhpouc khwan hei tanc e,
katik kagunc rui padik ge.
5 Ringhpouc khwan rui sidar bang guay kachyn bak ge,
Lebanon tuang sidar bang guay kachyn paruatlou e.
6Kamei rui Lebanon chyng ta
guaihlauna kabaih kumc tikabaihlou e,
khatni Harmon Chyng ta
guaichiclauna kabaih kumc tikabaihlou e.
7 Ringhpouc khwan rui tingpalik ge.
8Kakhwan rui tazikramv tikadunh e;
kamei rui Kades tazikramv tikanuk ge.
9 Ringhpouc khwan rui mphauh bang guay kanut re,
khatni ngouh bang guay kathangv ky kuaklou e.
Katuang Ravkai khou meic guay rui,
“Ravguangc hym daic diu”
twna kauc bam e.
10 Ringhpouc rui nthukmei duipui ta sin e;
kamei tingsaeng guangh swna sin e.
11 Ringhpouc rui kamei nunc khou pumtan tiilou e;
khatni kaniw khou chuzaenghmei suaihiam tiilou e.
Currently Selected:
KALUMLU 29: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
