KALUMLU 28
28
Nkhavlou khang Huayneymei
1He Ringhpouc, ata gaekloumeipu,
ai nang ta kaw e.
Ai kapna huaymei nkinglou o!
Nang rui akhou dawlou mak ge thei,
ai ni theihmei dic thangc key kan puni the.
2Nang tuang nthanmei Ravkai biak thangc,
abaanc haamv thauna nkhavlou khang ai rui nang khou kapna huaymei hei chulou o.
3Meicsimei pang khou tei
ata ganc pat kazauhlou rio,
kaniw mwang khou thu gayna sa laki,
kaniw lung khou karaeng bammei,
simei taanv taanc bammei pang khou tei ganc pat kazauhlou rio.
4Kaniw taanv khang tei,
kaniw rui taanc kanmei simei taanv khang tei,
kaniw ta dandi tiilou o.
Kaniw taanv guay khang tei
kaniw ta dandi tiilou o;
kaniw khang biuhmei dandi
kaniw khang tiilou o!#Nda 22.12
5 Ringhpouc rui taanclou kanmei taanv,
kabaanc rui taanclou kanmei ta tei kaniw thaylou mak ge;
mi zaeng rui kamei rui kaniw ta dandi tii puni khatni tingsaeng khang swmut sutlou puni.
6 Ringhpouc ta thuanc o;
kalam thu ai rui kapna huaymei kamei rui chulou the.
7 Ringhpouc rui ata gaeklou e
khatni ding gaeklou e;
ai kakhou lwmlou e.
Kamei rui ata nkhavlou e
khatni ata tineihlalou e;
neihlamei lu suanna ai kata thuanc e.
8 Ringhpouc rui kamei nunc ta gaeklou e;
kamei rui thauhteyloumei guangc ta gaeklou e khatni kanlou e.
9He Ringhpouc, nang mei nunc ta kanlou o,
nang mei nunc ta suaihiamlou o.
Kaniw ta gaengclou o,
khatni kaniw ta tingsaeng kadanlou o.
Currently Selected:
KALUMLU 28: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
