KALUMLU 26
26
Meicgaymeipu Ravsuai
1He Ringhpouc, ai hei nchumhmei e twmei kauc patlou o,
ai nchumhna lungc bam e
khatni ai nang khou lwm tiph tip bam e.
2Ata kathatna khatni nchanvna zauclou o, he Ringhpouc;
achwn khatni alungning guay hei latzan swlou o.
3Nang rui taek makna nzian bammei tei ai how tanh tan bam e,
khatni nang tuang nchumhmei lat khou ai tat bam e.
4Gaeng makpui mei nunc ta ai aduang sw mak ge,
gaylwn swmei nunc lev ai khat sini kariu mak ge.
5Meicgay makmei phwam ta ai karaeng e khatni meicsimei nunc ta aduang sw mak ge.
6He Ringhpouc, ai akhuay maekna abaanc khiu e,
khatni nang tuang ravchapaeng tat haengv e.
7Kumna thuanckupui lu suanna,
khatni nang tuang charynmei taanv guay rac ndauh khang e.
8He Ringhpouc, nang lungc bammei kai ta ai nzian e,
nang hymdaihmei lungcloupui bamv ta tei nzian e.
9Ata paapcmei pang khou swluai kazauhlou rio;
meicdowmei nunc dandi khou tei rui ata zay kareilou o.
10Kaganv kathuic simei taanc bammei nunc
khatni lanvbiwmei laa khang
kaganv kathuic chamdaanv bammei nunc tuang
dandi khou tei tikazauhlou rio.
11Tiki ai thu nchumhna lungc e;
ata zauc nzianlou o khatni ata kanlou o!
12Ai hei theic suc nuhmei bamv guay khou rui duak the;
kamei nunc kariumei charuangc dai khou ai Ringhpouc ta thuanc e.
Currently Selected:
KALUMLU 26: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
