KALUMLU 24
24
Hymdaihmei Guangc
1Mbaanv khatni nai bammei katana Ringhpouc tuang e;
kandih khatni mi khou lungc bammei katana katuang e.#1 Ko 10.26
2Kamei rui kandih ti hei
duipui ruc khou duanc thaulou the,
khatni duidai ruc khou kasiamh thaulou the.
3Thow rui Ringhpouc tuang ravkai but khou ku nina cho?
Thow rui katuang nthanmei Ravkai khou gut nina cho?
4Kabaanc nthanmei nunc,
kalungning nthanmei nunc,
ravmaengc kalum makmei nunc,
khatni meic guatna latdyng sw makmei nunc tei e.#Met 5.8
5 Ringhpouc rui kaniw ta suaihiamlou puni,
khatni kanlou puni.
Ravguangc rui kaniw ta khuay
maekmei nunc twna kauc patlou puni.
6Kaniw hei Ravguangc khou guangmei nunc e,
Jakob Racguangc mav khou guangmei nunc e.
7Raenghmun guay laanc daic pat ro,
reynungc kaikhamv guay laanc pat ro,
hymdaihmei guangc gut kan diu.
8Hymdaihmei guangc kiu thow cho?
Kamei hei Ringhpouc e,
tancbauhmeipu e;
Ringhpouc e, baengtanc rihlianghmeipu e.
9Raenghmun guay laanc daic pat ro,
reynungc kaikhamv guay laanc pat ro,
hymdaihmei guangc gut kan diu.
10Hymdaihmei guangc kiu thow cho?
Kamei rihngammei kaipouc e,
hymdaihmei guangc kiu e.
Currently Selected:
KALUMLU 24: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
