KALUMLU 23
23
Ringhpouc Ata Gaengcloumeipu
1 Ringhpouc hei ata gaengcloumeipu e;
akhang gaat tuang nai lak khe.
2Kamei rui ata ndiakcmei
mphuaih ramvpuk khou tizaengswlou e,
khatni chungc ringh ringmei zeic buk khou zaylou e.#Nda 7.17
3Kamei rui akhang pumtan kathanc tiilou e,
kamei rui latdyng sw kanmei kumc
Kamei rui ata nchumhmei chaeng khou zaylou e.
4He Ringhpouc, zinghmei nzaengc baek khou ai tat ruan gut pwsini,
ai ping lak ge;
nang ata tat nchamc bam e.
Nang tuang gaekloumei khatni gaengcloumei
builwang rui ata makavlou e.
5Ata zauczihmei nunc mav khou,
nang rui akhang khwmkih taektw chamdaanvlou e.
Nang rui apy khou thauh teylou e,#Nang rui ata chakhwang swmei gin ta kumcna riwlou the.
Abuangc luan lyamlou e.
6Nang ramzian lev nang ramgai
ai ringh saanv akhou nai bam puni twmei ai thay e.
Ai ringh saanv Ringhpouc kai khou lungc bam ni.
Currently Selected:
KALUMLU 23: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
