KALUMLU 21
21
Rihngammei khang Thuanhmei
1Guangh zaenggay e, he Ringhpouc,
kalam thu nang rui kakhou pumtan tiilou the;
guangh neihla e,
kalam thu nang rui kakhou rihngammei tiilou the.
2Kalung rui kahawmei tei nang rui tiilou the;
kamei rui neymei tei nang rui dawlou the.
3Nang rui kakhang ravchaptatmei suaihiam tiilou the,
kapy khou kachaekc pyrun runlou the.
4Kamei ringcsaengh khang ney khwan e,
kumna panty lungsingmei tiilou the.
5Kahym daic the nang paan rui;
zanh tatmei lev gunhdaihmei kakhang tiilou the.
6Nang tuang suaihiam kakhou tingsaeng nai e,
nang bam nduanghloumei ramneila kakhou padik ge.
7Guangh rui Ngamparymei Ringhpouc khou lwmlou e;
Ringhpouc rui taek makna
nzian bammei paan rui
kamei kachac dat lak khe.
8Guangh rui kata zauczihmei guay ta nym puni;
kata karaengmei guay ta kamei rui nym puni.
9Kamei pat pwkhou,
maibwang kumc kamei rui kaniw ta swmutlou puni.
Ringhpouc rui kalungpuam khou
kaniw ta rawmutlou puni
khatni mai kumc ntei mutlou puni.
10Kaniw kikta gaanv khat na sini ringc pat lak ge;
guangh rui kaniw ta swluai mutsutlou puni.
11Kaniw kata sw kasic khang mbincna raengc the;
tiki kaniw hei tei guang tangc lak ge.
12Katuang pailu rui kaniw ta kaap puni,
kumna kaniw pak puni.
13He Ringhpouc, nang tuang daihmei pumtan khang,
aniw nang ta thuanc e!
Aniw nang pumtan thuancna suan ni,
nang pumtan ta thuanc ni.
Currently Selected:
KALUMLU 21: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
