KALUMLU 20
20
Rihngam khang Huayneymei
1Nang ryanramei ganv khou
Ringhpouc rui nang khou dawlou diu!
Jakob Racguangc rui nang ta gaeklou diu!
2Kamei rui katuang Ravkai khou rui nang ta nkhavlou diu,
khatni Zaion Chyng khou rui
nang ta makavlou diu!
3Kamei rui nang tuang puatkat guay laalou diu,
nang rui khaengloumei guay kamei rui pianlou diu!
4Nang lung rui kahawmei tei
kamei rui tiilou diu,
khatni nang tuang raeng guay
tiguang tangclou diu!
5Nang rihngam guang pwkhou,
aniw neihlana hozam kauc ni;
Ravguangc ta thuancna nang rihngampui ngai ngay ni.
Nang rui neymei guay
Ravguangc rui dawlou diu!
6Ravguangc kamei rui thauh teyloumei guangc ta,
tirihngamlou puni,
katuang nthanmei tingkauh thangc rui,
kamei rui dawlou puni,
khatni kapumtan rui kata
rihdai tingamlou puni twmei ai thay e.
7Gaanvsaekc rui kaniw tuang takuanh gari khou,
gaanvsaekc rui kaniw takuanc khou lwmlou e;
tiki aniw thu Ringhpouc,
aniw Racguangc pumtan khou lwmlou e.
8Kaniw tei kalanvna bow puni;
tiki aniw thu dingthau puni,
khatni ding ntip bam puni.
9He Ringhpouc, guangh khou rihngammei tiilou o,
aniw kaw pwkhou dawlou o.
Currently Selected:
KALUMLU 20: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
