KALUMLU 19
19
Mbaanv khou Ravguangc Hym
1Tingpuk rui Ravguangc hym nthanna ndauh e!
Mi khou hei kabaansyam nthanna lyanlou e!
2Tingmik kathuic sa bam e;
zingbangc kathuic dinc bam e.
3Kakhwan maek ge,
kalat maek ge;
kakhwan meic chu mak ge.
4Tiki kaniw lat kandih pwm kagaengv lik ge;
kandih tin tou chu tangc e.
Ravguangc rui tingpuk khou neihmik khang kabamv kasiamhlou e.#Rom 10.18
5Neihmik hei neihlamei nowpouc kumc,
lauluangc pak khang neihlana patmeipu kumc,
lauthwan pat re.
6Tingpuk tin akhat khou rui patna,
katin khat thangc kaan key kan e;
neihthiu khou rui ramhkhat na sini
nkamh ngam mak ge.
Ringhpouc Latdanv
7 Ringhpouc latdanv hei nthuih e,
mi rui pumtan kathanc tii e.
Ringhpouc latdanv guay hei lwmnuhmei e,
mi rui mpangmei khang ningting tii e.
8 Ringhpouc latdyn guay hei nchumhmei e,
mi hei rui meic lung tineihlalou e.
Ringhpouc latdyn guay hei kaling e,
mi rui mik tiraklou e.
9 Ringhpouc ta kalummei hei gay e;
meic nunc rui kata kalum bam puni.
Ringhpouc latzan guay hei nzih e;
kaganv kathuicna khou gay e.
10Mi ti hei kunghmei kachaekc ta suangc kahaw e;
mi hei nkhuaihdui nthanmei suangc ndeih e.
11Mi hei rui nang bangc ata nchamlou e,
mi guay hei piumei nunc khang swan daicna nai e.
12Thay makna taancloumei
kakhuay ta thow thay ngam cho?
Ai thay makmei khuay guay tei kuaklou o.
13Thayna paapc taanh mak khang ata gaeklou o;
hei tei rui ata tingamlou rio.
Kum pwkhou ai nthuih puni;
twan lyammei khuay guay khou rui duak puni.
14He Ringhpouc, ataudaic,
ata kanloumeipu,
alungning khatni alatsav guay hei nang mikzaw khou
laalou nuhmei sw diu!
Currently Selected:
KALUMLU 19: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
