KALUMLU 1
1
BUK KHAT
(Kal 1—41)
Zaenggay Changhpui mei
1Zaenggay changhpui mei kiu,
meicsimei nunc lat khou tat makmei,
paapcmei nunc thei layluaih makmei,
Rav ta sinnuimei pang khou kazauh makmei mei tei e;
2 Ringhpouc tuang Riakdanv khou lunghgut bammei,
khatni hei tei zingbangc kalaanv makumh bampui mei tei e.
3Kamei tei duithuak daeng khou lingcloumei,
kakwm kaganv khou kathai nthai bammei,
kanwang ngguaih key zat makmei bang tei kumc e;
kamei rui taancloumei guay kathai laatu e.#Jer 17.8
4Meicsimei thu hei tei kumc zat mak ge;
kaniw tei mpwan rui hunc ganhmei nap gung tei kumc e.
5Mi zaeng rui meicsimei nunc tei,
Ravguangc latzan khou ding chaek lak ge,
paapcmei nunc tei ravchaptatmei nunc bamv khou bam ngam lak ge.
6Ravchaptatmei ta Ravguangc rui
zaylou e khatni gaeklou e;
tiki meicsimei nunc thu kaniw tuang maanmei chaeng khou tat bam e.
Currently Selected:
KALUMLU 1: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
