KALUMLU 16
16
Lwmna Huayneymei
1Ata gaeklou o, he Ravguangc;
ai nang khou duplou e.
2“Nang hei aPoubauhmei e,
nang khou rui hamhna akhang gaymei khat sini maek ge,”
twna ai rui Ringhpouc nang khou sa the.
3Kandih nam ruc khou lungc bammei
ravchaptatmei nunc hei chingkhiuh e!
Kaniw lev bammei hei akhang pianmei e.
4Rav baihmei khou pakloumei nunc tei kaniw rana kaniw khou ryanramei tiguang e.
Kaniw rui zei bun keyna
khaengmei khou tei ai kazauh lak ge;
ai kaniw tuang rav nunc zanc saanc lak ge.
5He Ringhpouc, akaipouc kiu nang na de,
atuang thei dwan guay nang baanc khou nai e.
6Nang rui akhang tiimei kaipat hei charyn tuang e;
mi guay tei adih gay kan tu cho!
7 Ringhpouc ta ai thuanc e,
kalam thu kamei rui ata zaylou e,
zingbangc azy zaengh khou nganv alungning rui ata nchamlou e.
8 Ringhpouc adaeng khou bam tanh tan bam e;#Lat 2.25-28
gaeklou khang adaeng khou ana bam e;
kumna ata ramhkhat na rui sini
kanukc kalung ngam lak khe.
9Mi zaeng rui ai neihla e,
abumaengc zaenggay e,
ai khat sini giuga mak khe,
10kalam thu nang rui ata theihmei khou rui gaeklou e,
khatni nang rui nzianmei ata taruaih khou ganclou mak ge.#Lat 13.35
11Ringhmei khou zayloumei chaeng
nang rui akhou dinclou e;
nang bammei bamv khou neihlamei padik ge.
khatni mbaanvthaymei tingsaeng nai e.
Currently Selected:
KALUMLU 16: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
