KALUMLU 15
15
Ravguangc rui Laalou Nuhmei
1He Ringhpouc, thow rui nang tuang Ravkai khou gut nina cho?
Thow rui nang tuang nthanmei
Zaion chyng twan khou kalum nina cho?
2Kalam katana khou Ravguangc
lat piuna nchumhmei taanhpui mei,
kalung syng khou rui nchumhmei lat sapui mei,
3khatni meickai ta nthuan ndipui lat sa makpui mei tei e.
Kapammei nunc ta sa kasic makmei khatni kainingmei ta nsuh nrauh makpui mei tei e.
4Ravguangc rui ganc patloumei nunc ta karaengpui mei,
tiki Ringhpouc lat piumei nunc ta chakhwang swpui mei tei e.
Kamei rui nrianhloumei tei kakhang adih kungc bam sini taanhpui mei tei e.
5Syanthuay laatu makpui mei
khatni kakhuay maekmei ruc khou sakhi sw khang
lanvbiwmei laa makpui mei tei e.
Mi kumna lunghpui mei kathuic ta Ravguangc rui gaeklou puni.
Currently Selected:
KALUMLU 15: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
